రైల్వే స్టేషన్లు, కాలనీలు, ఆసుపత్రులకు సరఫరా చేసే నీటి నాణ్యతపై ప్రత్యేకంగా దృష్టిపెట్టింది సౌత్ సెంట్రల్ రైల్వే. ఇండియన్ రైల్వేస్ మెడికల్ మాన్యువల్‌లో ఇచ్చిన మార్గదర్శకాల ప్రకారం తనిఖీలు జరుపుతోంది. రైల్వే మెడికల్ డిపార్ట్‌మెంట్‌కు చెందిన ఇన్‌స్పెక్టర్లు, సూపర్‌వైజర్లు నీటి నాణ్యతను పరిశీలిస్తుండగా, అధికారులు ఈ తనిఖీలను పర్యవేక్షిస్తున్నారు. స్టేషన్లు, కాలనీలు, ఆసుపత్రులకు సరఫరా చేసే నీటిని మూడు రకాలుగా పరీక్షిస్తారు. మొదటిది రిజిడ్యువల్ క్లోరిన్ పరీక్ష. నీటిని శుద్ధి చేసిన తర్వాత అందులో అవసరమైన స్థాయిలో క్లోరిన్ మిగిలి ఉందా లేదా అనేది ఈ పరీక్షలో చూస్తారు. నీరు ఎక్కడి నుంచి వస్తుందో ఆ సోర్స్ దగ్గర, అలాగే సరఫరా చివరి పాయింట్ దగ్గర నుంచి ప్రతిరోజూ శాంపిల్స్ తీసుకుని పరీక్షిస్తారు. శాంపిల్‌లో రిజిడ్యువల్ క్లోరిన్ సరైన స్థాయిలో లేదని తేలితే, సంబంధిత సీనియర్ సెక్షన్ ఇంజనీర్ (వాటర్ వర్క్స్)కు సమాచారం ఇస్తారు. నీటికి సరిగ్గా క్లోరినేషన్ చేసేలా చర్యలు తీసుకుంటారు. (ప్రతీకాత్మక చిత్రం)
