Last Updated:
CEOs Who Resigned Over Affairs: వేల కోట్ల రూపాయల వ్యాపారాలు.. లక్షలాది మంది ఉద్యోగులు.. ప్రపంచవ్యాప్తంగా గుర్తింపు.. అయినా వారి కెరీర్‌కు వ్యక్తిగత సంబంధాల వివాదాలే అడ్డుగా మారాయి. మహిళా ఉద్యోగులతో సంబంధాలు, కంపెనీ నిబంధనల ఉల్లంఘనల కారణంగా ప్రపంచ ప్రఖ్యాత సంస్థలకు చెందిన పలువురు CEOలు తమ పదవులను కోల్పోయారు. వారు ఎవరంటే?
ఒకప్పుడు లక్షలాది మందికి ఉపాధి కల్పించే సంస్థలకు అధిపతులుగా ఉన్నారు. వేల కోట్ల రూపాయల వ్యాపారాలను నడిపించారు. ప్రపంచవ్యాప్తంగా ఎనలేని గుర్తింపు సంపాదించుకున్నారు. ఎంతోమందికి ఆదర్శంగా నిలిచారు. కానీ కెరీర్‌లో ఉన్నత స్థానానికి చేరుకున్న తర్వాత చేసిన చిన్న పొరపాటు వారి జీవితాలను తలకిందులు చేసింది. ముఖ్యంగా కార్యాలయంలో మహిళా ఉద్యోగులతో వ్యక్తిగత సంబంధాలు, కంపెనీ నిబంధనల ఉల్లంఘనలు ఏకంగా వారి పదవులకే ఎసరు పెట్టాయి. తాజాగా ప్రపంచ టెక్నాలజీ రంగంలో సంచలనం సృష్టించిన ఎన్విడియా సీఈఓ జెన్సన్ హువాంగ్ రాజీనామా ఈ అంశాన్ని మరోసారి చర్చనీయాంశంగా మార్చింది. వివాహేతర సంబంధం, చైనాకు గూఢచర్యం చేస్తున్నారనే అనుమానాలు ఆయన చుట్టూ వివాదాన్ని రేపాయి. అయితే ఇది ఒక్క జెన్సన్ హువాంగ్‌తోనే ఆగిపోలేదు. గతంలోనూ బీపీ, నెస్లే, మెక్‌డొనాల్డ్స్, ఆస్ట్రోనామర్ వంటి ప్రముఖ సంస్థల అధినేతలు ఇలాంటి వ్యక్తిగత సంబంధాల వివాదాల నేపథ్యంలో పదవుల నుంచి తప్పుకోవాల్సి వచ్చింది.
ప్రపంచ ఏఐ చిప్ మార్కెట్‌లో అగ్రస్థానంలో ఉన్న ఎన్విడియా సహ వ్యవస్థాపకుడు, సీఈఓ జెన్సన్ హువాంగ్ నవంబర్ 12న తన పదవికి రాజీనామా చేశారు. కంపెనీ బోర్డు ఆయన రాజీనామాను ప్రకటించింది. ఆయన స్థానంలో కంపెనీ చీఫ్ ఫైనాన్షియల్ ఆఫీసర్ కొలెట్ క్రెస్ తాత్కాలిక సీఈఓగా బాధ్యతలు చేపట్టనున్నారు. జెన్సన్ హువాంగ్ వివాహేతర సంబంధం పెట్టుకున్నట్లు వచ్చిన వార్తలు ఈ వివాదానికి కేంద్రంగా నిలిచాయి. చైనాకు చెందిన వ్యాపారవేత్త ఆలిస్ హువాంగ్‌తో ఆయనకు సంబంధం ఉన్నట్లు అంతర్జాతీయ మీడియా కథనాలు వెల్లడించాయి. ఆమె చైనా ప్రభుత్వానికి గూఢచర్యం చేస్తున్నారనే అనుమానాలు అమెరికా నిఘా వర్గాలకు ఉన్నట్లు వార్తలు వచ్చాయి. అయితే ఈ గూఢచర్య ఆరోపణలు నిరూపితమైన వాస్తవాలు కావు. చైనా ఈ ఆరోపణలను ఖండించింది.
ఈ వ్యవహారంపై జెన్సన్ హువాంగ్ తన కుటుంబానికి, కంపెనీ ఉద్యోగులకు క్షమాపణలు చెప్పారు. ఎన్విడియా బోర్డు కూడా స్వతంత్ర విచారణ ప్రారంభించింది. కంపెనీ రహస్యాలు లేదా జాతీయ భద్రతకు సంబంధించిన సమాచారం లీక్ అయినట్లు తమకు ఆధారాలు లేవని సంస్థ గతంలో తెలిపింది. ఆ తర్వాత వివాదం మరింత ముదరడంతో ఆయన రాజీనామా చేశారు.
ప్రపంచ ప్రఖ్యాత ఇంధన సంస్థ బ్రిటిష్ పెట్రోలియం (BP) మాజీ సీఈఓ బెర్నార్డ్ లూనీ ఈ జాబితాలో ప్రముఖంగా కనిపిస్తారు. 2023 సెప్టెంబర్‌లో ఆయన తన పదవికి రాజీనామా చేశారు. కంపెనీలో పనిచేస్తున్న మహిళా ఉద్యోగులతో గతంలో వ్యక్తిగత సంబంధాలు ఉన్న విషయాన్ని వెల్లడించడంలో ఆయన విఫలమయ్యారని అంతర్గత విచారణలో తేలింది. దీంతో కంపెనీ ఆయనపై చర్యలు తీసుకుంది. ఆయనకు చెల్లించాల్సిన జీతం, ఇతర ప్రయోజనాల్లో కొంత మొత్తాన్ని తిరిగి తీసుకునే ప్రక్రియ కూడా ప్రారంభించింది. ఒక అంతర్జాతీయ సంస్థకు నాయకత్వం వహించిన వ్యక్తి వ్యక్తిగత వ్యవహారాల కారణంగా పదవిని కోల్పోవడం అప్పట్లో పెద్ద చర్చకు దారితీసింది.
ప్రపంచంలోని అతిపెద్ద ఆహార, పానీయాల సంస్థల్లో ఒకటైన నెస్లే కూడా ఇలాంటి పరిణామాన్ని ఎదుర్కొంది. 2025 సెప్టెంబర్‌లో ఆ సంస్థ తన సీఈఓ లారెంట్ ఫ్రైక్స్‌ను పదవి నుంచి తొలగించింది. తన కింద పనిచేసే మహిళా ఉద్యోగితో వ్యక్తిగత సంబంధం కొనసాగించడం, ఆ విషయాన్ని కంపెనీకి వెల్లడించకపోవడం దీనికి కారణంగా నిలిచింది. సంస్థ అంతర్గత విచారణలో ఈ విషయం బయటపడటంతో నెస్లే తన వ్యాపార ప్రవర్తనా నియమావళి ఉల్లంఘనగా పరిగణించింది. దీంతో ఆయన స్థానంలో కొత్త నాయకత్వాన్ని నియమించే ప్రక్రియ చేపట్టింది.
ప్రపంచవ్యాప్తంగా కోట్లాది మంది వినియోగించే ఫాస్ట్‌ఫుడ్ బ్రాండ్ మెక్‌డొనాల్డ్స్ మాజీ సీఈఓ స్టీవ్ ఈస్టర్‌బ్రూక్ కూడా ఇలాంటి వివాదంతోనే పదవిని కోల్పోయారు. 2019 నవంబర్‌లో ఒక ఉద్యోగితో పరస్పర అంగీకారంతో వ్యక్తిగత సంబంధం కొనసాగించిన విషయం బయటపడింది. కంపెనీ నిబంధనల ప్రకారం ఉద్యోగులతో ఇలాంటి సంబంధాలు నిషేధం కావడంతో సంస్థ ఆయనను తొలగించింది. అంతేకాకుండా తప్పుడు వివరాలు ఇచ్చి పొందిన పరిహారానికి సంబంధించి న్యాయపరమైన చర్యలు కూడా ఎదుర్కొన్నారు. తన పదవిని, భారీ ఆర్థిక ప్రయోజనాలను కోల్పోవాల్సి వచ్చింది.
2025 జూలైలో కోల్డ్‌ప్లే సంగీత కచేరీలో ఆస్ట్రానమర్ సంస్థకు చెందిన సీఈఓ ఆండీ బైర్న్, హెచ్ఆర్ విభాగానికి చెందిన ఉద్యోగిని కౌగిలించుకుంటున్న వీడియో సోషల్ మీడియాలో వైరల్ అయింది. ఈ ఘటనపై పెద్ద ఎత్తున చర్చ జరగడంతో సంస్థలో అంతర్గత విచారణ, నాయకత్వ మార్పులు చోటుచేసుకున్నాయి. ఈ వ్యవహారం కంపెనీ ప్రతిష్టపై ప్రభావం చూపింది.
