ఈరోజు ఫోకస్ చేయాల్సిన స్టాక్స్లో Axis Bank, Kotak Mahindra Bank కూడా ఉన్నాయి. తొలి త్రైమాసిక (Q1FY27) ఫలితాల అనంతరం Jefferies, Bernstein వంటి ప్రముఖ బ్రోకరేజీలు ఈ బ్యాంకులపై సానుకూల అభిప్రాయాన్ని వ్యక్తం చేశాయి. Axis Bankకు Jefferies రూ.1,700, Bernstein రూ.1,600 టార్గెట్ ధరలను సూచించగా, బలమైన రుణాల వృద్ధి, అంచనాలకు మించిన లాభాలు, తక్కువ క్రెడిట్ ఖర్చులు, మెరుగైన ఆస్తుల నాణ్యత దీర్ఘకాలిక వృద్ధికి దోహదపడతాయని పేర్కొన్నాయి. మరోవైపు Kotak Mahindra Bankకు Jefferies ‘Buy’ రేటింగ్తో రూ.460, Bernstein ‘Market Perform’తో రూ.500 టార్గెట్ ధరలను నిర్దేశించాయి. బ్యాంక్లో రుణాల వృద్ధి, మెరుగవుతున్న క్రెడిట్ క్వాలిటీ, ఖర్చుల నియంత్రణ సానుకూల అంశాలుగా కనిపిస్తున్నప్పటికీ, మార్జిన్లపై ఒత్తిడి, డిపాజిట్ వృద్ధి మందగించడం వంటి అంశాలు గమనించాల్సినవిగా బ్రోకరేజీలు పేర్కొన్నాయి. ఇదే సమయంలో Morgan Stanley విశ్లేషణ ప్రకారం, ప్రైవేట్ బ్యాంకింగ్ రంగంలో ICICI Bank అత్యుత్తమ రుణాల వృద్ధిని నమోదు చేయగా, HDFC Bank, Axis Bankలపై మార్జిన్ ఒత్తిడి కొనసాగిందని, Kotak Bank ఫలితాలు మాత్రం అంచనాల కంటే మెరుగ్గా ఉన్నాయని తెలిపింది.
