అమెజాన్‌లో ఇచ్చిన వివరాల ప్రకారం, ఈ గ్లాసెస్ లెన్స్ వెడల్పు 52 ఎంఎం, బ్రిడ్జ్ వెడల్పు 22 ఎంఎం. చెవుల దగ్గర ఉండే టెంపుల్స్ పొడవు 145 ఎంఎం కాగా, లెన్స్ ఎత్తు 38 ఎంఎం. ఈ ప్రీమియం కళ్లద్దాలను మార్‌కోలిన్ (Marcolin) కంపెనీ తయారు చేసింది. ఇవి ఇటలీలో తయారయ్యాయి. వీటి బరువు సుమారు 308 గ్రాములుగా అమెజాన్ లిస్టింగ్‌లో పేర్కొన్నారు. ఇవి పురుషులు, మహిళలు ఇద్దరికీ సరిపోతాయి. అంతేకాదు, కంటి చూపు సమస్యలు ఉన్నవారు తమ పవర్‌కు తగ్గట్టుగా ప్రిస్క్రిప్షన్ లెన్స్‌లు కూడా అమర్చుకోవచ్చు. ఈ గ్లాసెస్‌లో ప్రత్యేకంగా చెప్పుకోవాల్సిన మరో విషయం బ్లూ ఫిల్టర్ లెన్స్‌లు. ఇవి డిజిటల్ స్క్రీన్‌లను ఎక్కువసేపు చూడటం వల్ల వచ్చే కంటి అలసటను తగ్గించడంలో సహాయపడేలా రూపొందించినట్లు ప్రొడక్ట్ వివరాల్లో పేర్కొన్నారు. కంప్యూటర్ ముందు ఎక్కువసేపు పనిచేసేవారు, స్మార్ట్‌ఫోన్‌లను ఎక్కువగా ఉపయోగించేవారు, ఇతర డిజిటల్ పరికరాల ముందు ఎక్కువ సమయం గడిపేవారికి ఇవి ఆసక్తికరమైన ఆప్షన్ కావచ్చు. వీటి యూనిసెక్స్ డిజైన్ వల్ల పురుషులు, మహిళలు ఇద్దరూ ఉపయోగించవచ్చు. (image: Amazon India)
