Last Updated:
ఇటలీ రాజకీయాల్లో ప్రధాని జార్జియా మెలోనీ సరికొత్త చరిత్ర లిఖించారు. రెండో ప్రపంచ యుద్ధం తర్వాత అత్యధిక కాలం అధికారంలో ఉన్న ప్రధానిగా రికార్డ్ సృష్టించారు. ఈ ఘనత సాధించిన తన మిత్రురాలికి భారత ప్రధాని నరేంద్ర మోదీ ప్రత్యేక శుభాకాంక్షలు తెలిపారు.
ఇటలీ రాజకీయ చరిత్రలో కనీవినీ ఎరుగని రికార్డ్ సృష్టించిన ఆ దేశ ప్రధానమంత్రి జార్జియా మెలోనీకి భారత ప్రధాని నరేంద్ర మోదీ హృదయపూర్వక శుభాకాంక్షలు తెలిపారు. రెండో ప్రపంచ యుద్ధం ముగిసిన తర్వాత ఇటలీలో సుదీర్ఘ కాలం పాటు నిరవధికంగా అధికారంలో కొనసాగిన ఏకైక ప్రధానిగా మెలోనీ అరుదైన ఘనత సాధించారు. ఈ సందర్భంగా ఎక్స్ వేదికగా స్పందించిన మోదీ.. తన మిత్రురాలు మెలోనీకి ఇటలీ ప్రజల నుంచి లభిస్తున్న అపారమైన నమ్మకానికి ఈ మైలురాయే సజీవ నిదర్శనమని కొనియాడారు.
