డీఏ పెంపుపై ప్రకటన రాకపోయినా, కేంద్ర మంత్రివర్గం మరో రెండు ముఖ్యమైన ప్రతిపాదనలకు ఆమోదం తెలిపింది. అర్హత కలిగిన నాన్-గెజిటెడ్ రైల్వే ఉద్యోగులకు 78 రోజుల వేతనానికి సమానమైన ఉత్పాదకత ఆధారిత బోనస్ (PLB) చెల్లించేందుకు ఆమోదం లభించింది. ఇందుకోసం రూ.2,009.61 కోట్లను కేటాయించారు. ఈ నిర్ణయం సుమారు 11.41 లక్షల మంది రైల్వే ఉద్యోగులకు ప్రయోజనం చేకూర్చనుంది. అర్హులైన ఉద్యోగులకు సాధారణంగా దుర్గా పూజ, దసరా పండుగలకు ముందు ఈ బోనస్ చెల్లిస్తారు. అదేవిధంగా, జాతీయ సామాజిక సహాయ కార్యక్రమం (NSAP)ను 2026–27 నుంచి 2030–31 వరకు మరో ఐదేళ్లపాటు కొనసాగించేందుకు కేంద్రం ఆమోదం తెలిపింది. ఈ కార్యక్రమం కోసం రూ.53,428 కోట్లను కేటాయించారు. పేదలు, వృద్ధులు, వితంతువులు, దివ్యాంగులు వంటి అర్హులైన వర్గాలకు సామాజిక భద్రత కల్పించే ఈ కార్యక్రమంలో పేరు, వైకల్య పింఛను అర్హత, లబ్ధిదారుల కవరేజీ, సహాయ మొత్తాలకు సంబంధించిన మార్పులు కూడా ఉన్నాయి.
