న్యూస్18 బెంగాలీ కథనం ప్రకారం ముందుగా ఇంట్లో చీమలు ఎక్కువగా కనిపించే ప్రదేశాలను గుర్తించాలి. ముఖ్యంగా వంటగది మూలలు, డబ్బాలు పెట్టే ప్రదేశాలు, గోడల పక్కన చీమలు ఎక్కువగా వస్తుంటాయి. అలాంటి చోట్ల లవంగాలు లేదా దాల్చిన చెక్క ముక్కలను ఉంచవచ్చు. వీటి నుంచి వచ్చే ఘాటైన వాసన చీమలను కొంతవరకు దూరంగా ఉంచవచ్చు. అయితే చీమలు రాకుండా ఉండాలంటే వంటగదిని ఎప్పటికప్పుడు శుభ్రంగా ఉంచుకోవడం చాలా ముఖ్యం. చక్కెర, బెల్లం, స్వీట్లు, ఇతర ఆహార పదార్థాలను ఎప్పుడూ మూత ఉన్న డబ్బాల్లోనే నిల్వ చేసుకోవాలి. నేలపై పడిన తీపి పదార్థాలు, బిస్కెట్ పొడి, ఆహారపు ముక్కలను వెంటనే శుభ్రం చేయాలి. వంటగది ప్లాట్‌ఫామ్‌లు, అల్మారాల మూలలు, ఫ్రిజ్ చుట్టుపక్కల ప్రాంతాలను కూడా క్రమం తప్పకుండా శుభ్రం చేయాలి.
