Last Updated:
AI Security: హైదరాబాద్కు మరో భారీ టెక్ బూస్ట్ లభించింది. గ్లోబల్ సైబర్ సెక్యూరిటీ సంస్థ Proofpoint నగరంలో AI సెక్యూరిటీ ఇంజినీరింగ్ సెంటర్ ఆఫ్ ఎక్సలెన్స్ను ఏర్పాటు చేసింది. భారతదేశంలో AI ఆధారిత సైబర్ సెక్యూరిటీకి పెరుగుతున్న డిమాండ్ను అందిపుచ్చుకునేందుకు వచ్చే 12–24 నెలల్లో 200 మందికి పైగా ఇంజినీర్లను నియమించుకోవాలని కంపెనీ భావిస్తోంది.
గ్లోబల్ సైబర్ సెక్యూరిటీ సంస్థ ప్రూఫ్పాయింట్ హైదరాబాద్లో AI సెక్యూరిటీ ఇంజినీరింగ్ సెంటర్ ఆఫ్ ఎక్సలెన్స్ను ఏర్పాటు చేస్తున్నట్లు బుధవారం ప్రకటించింది. ఆర్టిఫిషియల్ ఇంటెలిజెన్స్ ఆధారిత సైబర్ దాడులు, డిజిటల్ ముప్పులు వేగంగా పెరుగుతున్న నేపథ్యంలో, అధునాతన భద్రతా పరిష్కారాల అభివృద్ధిపై ఈ కొత్త కేంద్రం ప్రధానంగా దృష్టి పెట్టనుంది. భారతదేశంలో AI ఆధారిత సెక్యూరిటీ టెక్నాలజీలకు పెరుగుతున్న డిమాండ్ను దృష్టిలో పెట్టుకుని కంపెనీ ఈ విస్తరణ నిర్ణయం తీసుకుంది.
