Last Updated:
తాజాగా జరిగిన ‘ఓం: చాప్టర్ 1 – రుధిరం’ ప్రీ రిలీజ్ ఈవెంట్ లో సాయి పల్లవి, శ్రీలీల తమ డాన్స్ తో గోల పెట్టించారు. దీంతో ఈ వీడియో నెట్టింట వైరల్ అవుతోంది.
కోలీవుడ్ వర్సటైల్ యాక్టర్ ధనుష్, నేచురల్ బ్యూటీ సాయి పల్లవి, టాలీవుడ్ డ్యాన్సింగ్ సెన్సేషన్ శ్రీలీల ప్రధాన పాత్రల్లో నటిస్తున్న మోస్ట్ అవేటెడ్ పాన్-ఇండియా మూవీ ‘ఓం: చాప్టర్ 1 – రుధిరం’ (OM: Chapter 1 – Rudhiram). ఈ సినిమాలో మలయాళ మెగాస్టార్ మమ్ముట్టి ఒక అత్యంత కీలకమైన, పవర్ఫుల్ పాత్రలో నటిస్తుండటంతో ఈ ప్రాజెక్ట్పై దేశవ్యాప్తంగా సినీ వర్గాల్లో, ప్రేక్షకుల్లో భారీ అంచనాలు నెలకొన్నాయి. విభిన్న కథాంశాలతో ప్రేక్షకులను మెప్పించే టాలెంటెడ్ డైరెక్టర్ రాజ్కుమార్ పెరియసామి ఈ చిత్రాన్ని అత్యంత ప్రతిష్టాత్మకంగా తెరకెక్కిస్తున్నారు. భారీ బడ్జెట్తో రూపొందిన ఈ యాక్షన్ థ్రిల్లర్ చిత్రం నవంబర్ 20న ప్రపంచవ్యాప్తంగా పలు భాషల్లో భారీ స్థాయిలో ప్రేక్షకుల ముందుకు రానుంది. ఈ నేపథ్యంలో చిత్ర యూనిట్ తాజాగా హైదరాబాద్లో నిర్వహించిన ప్రీ-రిలీజ్ వేడుక అత్యంత ఘనంగా, కన్నుల పండువగా జరిగింది.
ఈ ప్రతిష్టాత్మక కార్యక్రమానికి మమ్ముట్టి, ధనుష్, సాయి పల్లవి, శ్రీలీల, ప్రముఖ నటి రేణు దేశాయ్ తదితరులు హాజరై సందడి చేశారు. వేదికపై సినీ ప్రముఖులు పంచుకున్న ఆసక్తికర విశేషాలు సినిమాపై బజ్ను అమాంతం పెంచేశాయి. వేదికపై యంగ్ హీరోయిన్స్ సాయి పల్లవి, శ్రీలీల ఎనర్జీ చూసి అంతా ఆశచర్యపోయారు.
ఈ ప్రీ రిలీజ్ ఈవెంట్లో అత్యంత స్పెషల్ అట్రాక్షన్గా నిలిచింది సాయి పల్లవి, శ్రీలీల డ్యాన్స్. సౌత్ ఇండియాలోనే బెస్ట్ డ్యాన్సర్లుగా గుర్తింపు తెచ్చుకున్న వీరిద్దరూ ఒకే వేదికపై అడుగులేసి ప్రేక్షకులను ఉర్రూతలూగించారు. ఇద్దరు టాప్ హీరోయిన్లు కలిసి ఒకేసారి అద్భుతమైన స్టెప్పులతో సందడి చేయడంతో ఈవెంట్కు వచ్చిన అభిమానులు కేరింతలు కొట్టారు. ప్రస్తుతం ఈ డ్యాన్స్ వీడియోలు సోషల్ మీడియాను షేక్ చేస్తున్నాయి. మొత్తానికి స్టార్ కాస్ట్, భారీ ప్రొడక్షన్ వాల్యూస్, అదిరిపోయే ప్రమోషన్స్తో ‘ఓం: చాప్టర్ 1 – రుధిరం’ బాక్సాఫీస్ వద్ద రికార్డులు సృష్టించడానికి సిద్ధమైంది.
ఇకపోతే ఈ వేదికపై మలయాళ సూపర్స్టార్ మమ్ముట్టి మాట్లాడుతూ.. ‘నా సుదీర్ఘ సినీ ప్రయాణంలో ఈ సినిమా చాలా ప్రత్యేకమైనది. ఈ చిత్రంలోని కథ, ఎమోషన్స్తో ప్రతి ఒక్కరూ సులభంగా కనెక్ట్ అవుతారు. షూటింగ్ సమయంలో సాయి పల్లవి ఎనర్జీ, డెడికేషన్ చూసి నేను నిజంగా ఆశ్చర్యపోయాను. రేణు దేశాయ్ కూడా తన పాత్రలో చాలా చక్కగా నటించారు. మీకు ఈ సినిమా కచ్చితంగా ఒక కొత్త అనుభూతిని ఇస్తుందని, ఎంతగానో నచ్చుతుందని భావిస్తున్నాను’ అని తన మనసులోని మాటలను పంచుకున్నారు.
‘ఇండియన్ సినిమా గర్వించదగ్గ లెజెండరీ నటుడు మమ్ముట్టి గారితో కలిసి నటించే అవకాశం రావడం నా అదృష్టంగా భావిస్తున్నా అని హీరో ధనుష్ అన్నారు. సాయి పల్లవి, శ్రీలీల ఇద్దరూ తమ పాత్రలకు అద్భుతంగా ప్రాణం పోశారు. దర్శకుడు రాజ్కుమార్ పెరియసామి ఈ కథాంశాన్ని ఎంతో గొప్పగా, విజువల్ వండర్గా తెరకెక్కించారు. నా ప్రతి సినిమాను, మంచి కంటెంట్ను ఎప్పుడూ గుండెల్లో పెట్టుకుని ఆదరించే తెలుగు ప్రేక్షకులు ‘ఓం: చాప్టర్ 1 – రుధిరం’ చిత్రాన్ని కూడా అదే స్థాయిలో ఆదరించి పెద్ద హిట్ చేయాలని కోరుకుంటున్నాను’ అని పేర్కొన్నారు.
ఈ సినిమాలో తన పాత్ర గురించి సాయి పల్లవి ఆసక్తికరమైన విషయాలు వెల్లడించారు. ‘నాకు నిత్యా రెడ్డి ఐపీఎస్ (IPS) వంటి ఒక స్ట్రాంగ్ అండ్ పవర్ఫుల్ పాత్రను ఇచ్చిన దర్శకుడు రాజ్కుమార్ గారికి ప్రత్యేక కృతజ్ఞతలు. ధనుష్, మమ్ముట్టి గారి వంటి గొప్ప నటులతో కలిసి స్క్రీన్ షేర్ చేసుకోవడం చాలా గౌరవంగా భావిస్తున్నాను. ఈ సినిమాలో నేను నాయుడుపేటకు చెందిన ఒక పక్కా తెలుగు అమ్మాయిగా నటించాను’ అని వెల్లడించారు. సాయి పల్లవి పవర్ఫుల్ ఐపీఎస్ ఆఫీసర్గా కనిపించనుండటంతో అభిమానుల్లో క్యూరియాసిటీ అమాంతం పెరిగింది.

