ట్రాకింగ్ ఫీచర్ల కోసం ఇందులో యాక్సిలరోమీటర్, గైరోస్కోప్, బారోమీటర్, లైట్ సెన్సర్, జీ-సెన్సర్ ఉన్నాయి. వీటితో పాటు మ్యూజిక్ కంట్రోల్, వాయిస్ కంట్రోల్, చేతిని పైకి ఎత్తగానే స్క్రీన్ ఆన్ అయ్యే రిస్ట్-వేక్ ఫీచర్, అలారం, క్రోనోగ్రాఫ్, తేదీ, సమయం చూపించే సదుపాయాలు కూడా ఉన్నాయి. ఫైర్-బోల్ట్ రైజ్ ఎక్స్ స్మార్ట్‌వాచ్‌ను ఒక్కసారి ఛార్జ్ చేస్తే ఏడు రోజుల వరకు బ్యాటరీ వస్తుందని కంపెనీ చెబుతోంది. ఇందులో రీఛార్జ్ చేసుకోగల లిథియం-అయాన్ బ్యాటరీ ఉంది. వైర్‌లెస్ ఛార్జింగ్‌కు కూడా సపోర్ట్ చేస్తుంది. పూర్తిగా ఛార్జ్ కావడానికి సుమారు 180 నిమిషాలు పడుతుందని వివరాల్లో పేర్కొన్నారు. అయితే, బ్యాటరీ ఎంతసేపు వస్తుందనేది వాడకాన్ని బట్టి మారుతుంది. బ్లూటూత్ కాలింగ్ ఎక్కువగా మాట్లాడటం, తరచూ నోటిఫికేషన్లు రావడం, ఫిట్‌నెస్ ట్రాకింగ్‌ను ఎక్కువగా ఉపయోగించడం వల్ల బ్యాటరీ త్వరగా ఖర్చయ్యే అవకాశం ఉంది. (image: Flipkart India)
