ఓటిటిలోకి ‘ది ప్యారడైజ్’.. ఆ సీన్లు మొత్తం కట్, ఇదిగో అఫీషియల్ స్ట్రీమింగ్ డీటెయిల్స్ | తెలుగు సినిమా వార్తలు

వాస్తవానికి ఈ సినిమాకు మొదటి రోజు పాజిటివ్ టాక్ వచ్చి ఉంటే, టాలీవుడ్ బాక్సాఫీస్ దగ్గర కలెక్షన్ల వర్షం కురిసేది. నాని కెరీర్‌లోనే బిగ్గెస్ట్ గ్రాసర్‌లలో ఒకటిగా ‘ది ప్యారడైజ్’ నిలిచేదని విశ్లేషకులు అభిప్రాయపడ్డారు. కానీ దాదాపు 3 గంటల భారీ రన్ టైమ్ ఉండటం, కథనంలో కాస్త సాగతీత, కొన్ని అనవసరమైన ఓవర్ యాక్షన్ సీన్స్ సినిమాకు మైనస్ అయ్యాయి. నాని తన అద్భుతమైన నటనతో, అనిరుధ్ తన బ్యాక్ గ్రౌండ్ స్కోర్‌తో సినిమాను మోసే ప్రయత్నం చేసినప్పటికీ, కొన్ని లోపాల వల్ల బాక్సాఫీస్ వద్ద రికార్డులు బద్దలు కొట్టలేకపోయింది.

ఇదిలా ఉంటే, ఇప్పుడు ఈ సినిమా డిజిటల్ స్ట్రీమింగ్‌కు సిద్ధమైంది. ప్రముఖ ఓటీటీ దిగ్గజం నెట్‌ఫ్లిక్స్ (Netflix) ‘ది ప్యారడైజ్’ స్ట్రీమింగ్ డేట్‌ను అధికారికంగా ప్రకటించింది. ఈ నెల 22 నుంచి నెట్‌ఫ్లిక్స్ వేదికగా ఈ చిత్రం స్ట్రీమింగ్ కానుంది. పాన్ ఇండియా ప్రేక్షకులను దృష్టిలో ఉంచుకుని తెలుగుతో పాటు హిందీ, తమిళం, కన్నడ, మలయాళ భాషల్లో ఏకకాలంలో సినిమా అందుబాటులోకి రానుందని సంస్థ వెల్లడించింది.

అయితే థియేటర్లలో జరిగిన తప్పులను మేకర్స్ ఓటీటీ వెర్షన్ కోసం సరిదిద్దుకున్నట్లు తెలుస్తోంది. ఇక్కడే ఒక ఆసక్తికరమైన వార్త నెట్టింట వైరల్ అవుతోంది. థియేట్రికల్ వెర్షన్ 3 గంటల రన్ టైమ్‌తో రాగా, ఓటీటీలో మాత్రం రన్ టైమ్‌ను భారీగా తగ్గించారు. ఒరిజినల్ సినిమా నుంచి దాదాపు 25 నిమిషాల నిడివిని కట్ చేసి నెట్‌ఫ్లిక్స్ స్ట్రీమింగ్ చేయనుందని సమాచారం. ప్రేక్షకులకు విసుగు తెప్పించిన కొన్ని యాక్షన్ సన్నివేశాలు, అనవసరమైన పాటలను తొలగించి సినిమాను మరింత ఆసక్తికరంగా, క్రిస్ప్‌గా మలిచారని టాక్ నడుస్తోంది. ఈ ట్రిమ్మింగ్ నిర్ణయం వల్ల సినిమా పేస్ పెరిగి, ఓటీటీలో ‘ది ప్యారడైజ్’కు అద్భుతమైన రెస్పాన్స్ దక్కుతుందని యూనిట్ భావిస్తోంది. మరి ఈ 25 నిమిషాల కట్ ఓటీటీ ప్రేక్షకులను ఎంతవరకు ఆకట్టుకుంటుందో తెలియాలంటే ఈనెల 22 వరకు వేచి చూడాల్సిందే.