Visakhapatnam: వీఎంఆర్‌డీఏలో రూ. 70 కోట్ల కలకలం.. కమిషనర్ ఆదేశాల ఉల్లంఘనపై విచారణ! | ఆంధ్రప్రదేశ్ వార్తలు

ఈ వ్యవహారం బయటపడటంతో తీవ్ర గందరగోళం నెలకొంది. విశాఖలోని బ్యాంకు శాఖలో సాంకేతిక సమస్య రావడం వల్లే రాజమహేంద్రవరంలో డిపాజిట్ చేయాల్సి వచ్చిందని బ్యాంకు అధికారులు సమర్థించుకుంటున్నప్పటికీ, అది వాస్తవం కాదని పలువురు ఆరోపిస్తున్నారు. రాజమహేంద్రవరంలోని బ్యాంకు అధికారులతో వీఎంఆర్‌డీఏలోని ఓ కీలక అధికారికి ఉన్న వ్యక్తిగత స్నేహం వల్లే ఈ నిధులను అక్కడికి తరలించారనే విమర్శలు వస్తున్నాయి. కాగా, వివాదం ముదరడంతో ప్రస్తుతం ఆ నిధులను తిరిగి విశాఖలోని బ్యాంకు శాఖకు మార్చేసినట్లు సమాచారం.

ఈ మొత్తం వ్యవహారాన్ని తీవ్రంగా పరిగణించిన వీఎంఆర్‌డీఏ కమిషనర్ తేజ్ భరత్ సమగ్ర విచారణకు ఆదేశించారు. అదనపు కమిషనర్ కీర్తిని విచారణాధికారిగా నియమించి, అసలు నిధులను ఎందుకు మార్చాల్సి వచ్చింది, ఇందులో ఎవరెవరి పాత్ర ఉందనే అంశాలపై నివేదిక కోరారు.