Last Updated:
తమిళ చిత్ర పరిశ్రమలో తనకంటూ ప్రత్యేక గుర్తింపు సంపాదించుకున్న హీరోయిన్ ప్రియా భవానీ శంకర్ త్వరలోనే పెళ్లి చేసుకోబోతున్నట్లు వార్తలు వినిపిస్తున్నాయి. కొన్నేళ్లుగా తన ప్రియుడు రాజ్‌వెల్ రాజ్‌తో ప్రేమలో ఉన్న ఈ అందాల భామ.. ఇప్పుడు తమ ప్రేమ ప్రయాణాన్ని మరో మెట్టుకు తీసుకెళ్లేందుకు సిద్ధమవుతున్నట్లు తెలుస్తోంది.
తమిళ చిత్ర పరిశ్రమలో తనకంటూ ప్రత్యేక గుర్తింపు సంపాదించుకున్న హీరోయిన్ ప్రియా భవానీ శంకర్ త్వరలోనే పెళ్లి చేసుకోబోతున్నట్లు వార్తలు వినిపిస్తున్నాయి. కొన్నేళ్లుగా తన ప్రియుడు రాజ్‌వెల్ రాజ్‌తో ప్రేమలో ఉన్న ఈ అందాల భామ.. ఇప్పుడు తమ ప్రేమ ప్రయాణాన్ని మరో మెట్టుకు తీసుకెళ్లేందుకు సిద్ధమవుతున్నట్లు తెలుస్తోంది. తాజాగా ఆమె సోషల్ మీడియాలో షేర్ చేసిన కొన్ని ఫోటోలు ఈ వార్తలకు మరింత బలాన్ని చేకూరుస్తున్నాయి. దీంతో ప్రియా అభిమానులు ఈ జంటకు ముందుగానే శుభాకాంక్షలు చెబుతున్నారు.
ప్రియా భవానీ శంకర్ తన ఇన్‌స్టాగ్రామ్ స్టోరీస్‌లో కొన్ని ప్రత్యేకమైన ఫోటోలను అభిమానులతో పంచుకున్నారు. ఈ ఫోటోల్లో ఆమె సంప్రదాయ దుస్తుల్లో ఎంతో అందంగా కనిపించారు. మెడలో మల్లెపూల దండలు ధరించడంతో పాటు, చేతులకు గోరింటాకు పెట్టుకున్న ఫోటోలను కూడా షేర్ చేశారు. దీంతో ఆమె ఇంట్లో ఏదో ప్రత్యేకమైన వేడుక జరుగుతోందనే చర్చ మొదలైంది. ఈ ఫోటోలు చూసిన అభిమానులు పెళ్లికి సంబంధించిన కార్యక్రమాలు ప్రారంభమయ్యాయా? అంటూ ఆరా తీస్తున్నారు.
అయితే ప్రియా షేర్ చేసిన ఫోటోలు పెళ్లికి ముందు నిర్వహించే వేడుకలకు సంబంధించినవేనా? లేక కుటుంబంలో జరిగిన మరేదైనా ప్రత్యేక కార్యక్రమానికి సంబంధించినవా? అనే విషయంపై స్పష్టత లేదు. ఈ ఫోటోల వెనుక అసలు విషయం ఏమిటో ప్రియా స్వయంగా వెల్లడించాల్సి ఉంది. అలాగే ఆమె వివాహ తేదీ, పెళ్లి వేదికకు సంబంధించిన వివరాలు కూడా ఇప్పటివరకు అధికారికంగా బయటకు రాలేదు.
ఇక ప్రియా భవానీ శంకర్ ప్రేమకథ విషయానికి వస్తే.. ఆమెకు రాజ్‌వెల్ రాజ్‌తో కాలేజీ రోజుల నుంచే పరిచయం ఉంది. మొదట స్నేహితులుగా ప్రారంభమైన వీరి పరిచయం ఆ తర్వాత ప్రేమగా మారింది. దాదాపు పదేళ్లకు పైగా ఈ ఇద్దరూ ప్రేమలో ఉన్నట్లు సమాచారం. తమ బంధానికి సంబంధించిన విషయాలను ఎప్పుడూ ఎక్కువగా బయటపెట్టకుండా వ్యక్తిగత జీవితాన్ని ప్రైవేట్‌గా ఉంచుతూ వస్తున్నారు.
2022లో ఈ జంట కలిసి ఓ ఇంటిని కొనుగోలు చేయడం అప్పట్లో వార్తల్లో నిలిచింది. ఇద్దరూ కలిసి తమ భవిష్యత్తు కోసం తీసుకున్న ఈ నిర్ణయంతో అభిమానుల్లో వారి పెళ్లిపై ఆసక్తి మరింత పెరిగింది. అప్పటి నుంచి ప్రియా, రాజ్‌వెల్ ఎప్పుడు వివాహ బంధంలోకి అడుగుపెడతారా అని అభిమానులు ఎదురుచూస్తున్నారు. ఇప్పుడు ఆమె షేర్ చేసిన ఫోటోలు ఆ ఎదురుచూపులకు త్వరలోనే తెరపడనుందనే సంకేతాలు ఇస్తున్నాయి.
ప్రస్తుతం ప్రచారంలో ఉన్న సమాచారం ప్రకారం.. ప్రియా భవానీ శంకర్, రాజ్‌వెల్ రాజ్ కుటుంబ సభ్యులు, అత్యంత సన్నిహితుల సమక్షంలో సంప్రదాయ పద్ధతిలో వివాహం చేసుకోవాలని భావిస్తున్నట్లు తెలుస్తోంది. పెద్ద ఎత్తున హంగామా లేకుండా, ఆత్మీయుల మధ్య పెళ్లి వేడుకను నిర్వహించేందుకు ఇరు కుటుంబాలు సిద్ధమవుతున్నాయనే వార్తలు వినిపిస్తున్నాయి.
అయితే ఈ వార్తలపై ప్రియా భవానీ శంకర్ లేదా రాజ్‌వెల్ రాజ్ నుంచి అధికారిక ప్రకటన రావాల్సి ఉంది. పెళ్లి ఎప్పుడు? ఎక్కడ? అనే వివరాలు వెల్లడైతే ఈ జంట అభిమానులకు మరింత స్పష్టత వచ్చే అవకాశం ఉంది. అప్పటివరకు ప్రియా షేర్ చేసిన ఫోటోలే ఈ పెళ్లి వార్తలకు కారణంగా నిలుస్తున్నాయి.
