పండుగల సీజన్‌లో సొంతూళ్లకు వెళ్లాలని, ఇతర ప్రాంతాలకు ప్రయాణించాలని ప్లాన్ చేస్తున్న వారికి దక్షిణ మధ్య రైల్వే (ఎస్‌సీఆర్) కీలక సమాచారం ఇచ్చింది. 2026 అక్టోబర్, నవంబర్ నెలల్లో వివిధ ప్రాంతాలకు నడుస్తున్న ప్రత్యేక రైళ్లలో ఇంకా ఖాళీ బెర్తులు అందుబాటులో ఉన్నాయని ప్రకటించింది. ప్రయాణికులు ఈ అవకాశాన్ని ఉపయోగించుకుని ముందుగానే రిజర్వేషన్ చేసుకోవాలని సూచించింది. అక్టోబర్ 19న విడుదల చేసిన ప్రెస్ రిలీజ్ (పీఆర్ నంబర్ 457) ప్రకారం, అక్టోబర్ 18 రాత్రి 8 గంటల సమయానికి ఉన్న ఖాళీ బెర్తుల వివరాలను రైల్వే శాఖ సేకరించింది. అయితే ప్రయాణికులు టికెట్లు బుక్ చేసుకునే కొద్దీ ఈ సంఖ్యలు మారుతుంటాయని స్పష్టం చేసింది. తెలంగాణ నుంచి దేశంలోని ఇతర ప్రాంతాలకు వెళ్లే పలు ప్రత్యేక రైళ్లలో 9600 పైగా బెర్తులు ఖాళీగా ఉన్నాయని దక్షిణ మధ్య రైల్వే చీఫ్ పబ్లిక్ రిలేషన్స్ ఆఫీసర్ ఏ. శ్రీధర్ తెలిపారు. ఢిల్లీ, ఉత్తరప్రదేశ్, బీహార్, ఒడిశా, పశ్చిమ బెంగాల్, గుజరాత్, రాజస్థాన్ వంటి రాష్ట్రాలకు వెళ్లే రైళ్లతో పాటు సికింద్రాబాద్, సిర్పూర్ కాగజ్‌నగర్, హైదరాబాద్ మధ్య నడిచే రైళ్లలోనూ బెర్తులు అందుబాటులో ఉన్నాయి. (ప్రతీకాత్మక చిత్రం)
