పీఎం సూర్య ఘర్ ముఫ్త్ బిజ్లీ యోజన కింద సంవత్సరాల వారీగా బడ్జెట్ కేటాయింపులు, ఖర్చు వివరాలు ఇలా ఉన్నాయి. 2024-25 ఆర్థిక సంవత్సరంలో బడ్జెట్ అంచనా రూ.6,250 కోట్లు కాగా, ఖర్చు రూ.7,822.92 కోట్లు అయ్యింది. 2025-26 ఆర్థిక సంవత్సరంలో బడ్జెట్ అంచనా రూ.20,000 కోట్లు కాగా, ఖర్చు రూ.16,166.23 కోట్లు అయ్యింది. 2026-27 ఆర్థిక సంవత్సరానికి రూ.22,000 కోట్ల బడ్జెట్ కేటాయించారు. ఇందులో 22.7.2026 నాటికి రూ.10,392.48 కోట్లు ఖర్చయ్యాయి. ఈ పథకం కింద రూఫ్టాప్ సోలార్ వ్యవస్థల ఏర్పాటును వేగవంతం చేసేందుకు తీసుకున్న చర్యల ఫలితంగా 22.7.2026 నాటికి మొత్తం 39,72,447 రూఫ్టాప్ సోలార్ వ్యవస్థలు ఏర్పాటు అయ్యాయి. వీటి ద్వారా 48,02,717 ఇళ్లకు ప్రయోజనం కలిగింది. ఈ పథకం కింద సోలార్ ఏర్పాటు చేసుకున్న వినియోగదారుల విద్యుత్ బిల్లులు గణనీయంగా తగ్గాయి. వారు ఎంత విద్యుత్ను స్వయంగా వినియోగిస్తున్నారనే దానిపై ఆధారపడి, కొన్ని నెలల్లో పూర్తిగా జీరో విద్యుత్ బిల్లు వచ్చినట్లు 18.93 లక్షలకు పైగా కుటుంబాలు తెలిపాయి. ఫిబ్రవరి 2024 నుంచి పీఎం సూర్య ఘర్ ముఫ్త్ బిజ్లీ యోజన కింద 48 లక్షలకు పైగా కుటుంబాలకు ప్రయోజనం కలిగింది. 2025-26 ఆర్థిక సంవత్సరంలో దేశవ్యాప్తంగా మొత్తం 18.71 లక్షల రూఫ్టాప్ సోలార్ వ్యవస్థలు ఏర్పాటు అయ్యాయి. వీటి ద్వారా మొత్తం 6.7 గిగావాట్ సోలార్ సామర్థ్యం అందుబాటులోకి వచ్చింది. గ్రామీణ ప్రాంతాల కుటుంబాలు సహా 22.71 లక్షల కుటుంబాలు ప్రయోజనం పొందాయి. (ప్రతీకాత్మక చిత్రం)
