అంతేకాకుండా, దీని ప్రభావం మీ సిబిల్ (CIBIL) లేదా క్రెడిట్ స్కోర్పై తీవ్రంగా పడుతుంది. మీరు హామీదారుగా ఉన్న రుణం మీ స్వంత క్రెడిట్ రిపోర్ట్లో కూడా ప్రతిబింబిస్తుంది. ఆ వ్యక్తి అప్పు కట్టడంలో విఫలమైతే, మీ క్రెడిట్ స్కోర్ దారుణంగా పడిపోతుంది. భవిష్యత్తులో మీకు నిజంగా బ్యాంక్ లోన్ అవసరమైనప్పుడు అది దొరకని పరిస్థితి ఏర్పడుతుంది. కాబట్టి, ఎవరికైనా ష్యూరిటీ సంతకం చేసే ముందు ఒక్కటే ఆలోచించండి: “ఒకవేళ వీరు అప్పు కట్టకపోతే, ఆ భారాన్ని నేను మోయగలనా?”. దానికి మీ సమాధానం ‘లేదు’ అయితే, నిర్మొహమాటంగా సంతకం చేయడానికి నిరాకరించండి. డబ్బు అనేది ఎంతో బలమైన మానవ సంబంధాలను సైతం క్షణాల్లో నాశనం చేయగలదు. మీరు అప్పు ఇచ్చిన తర్వాత, వారు తిరిగి చెల్లించడంలో కొన్ని రోజులు ఆలస్యం చేసినా అది మీలో అసంతృప్తికి దారితీస్తుంది. ఒకవేళ మీ డబ్బు ఇంకా తిరిగి ఇవ్వకుండానే, వారు విలాసవంతమైన టూర్లకు వెళ్లడం, ఖరీదైన వస్తువులు కొనడం మీరు చూస్తే మీ కోపం కట్టలు తెంచుకుంటుంది. మరోవైపు అప్పు తీసుకున్న వారు కూడా మీకు డబ్బు తిరిగి ఇవ్వలేక, సిగ్గుపడి మీ నుండి క్రమంగా ముఖం చాటేయడం ప్రారంభిస్తారు. దీంతో ఏళ్ల నాటి స్నేహం లేదా బంధుత్వం పూర్తిగా చెడిపోతుంది.(ప్రతీకాత్మక చిత్రం)
