ఇండియా పోస్ట్ సమాచారం ప్రకారం, ఈ పోస్టాఫీస్ సుమారు 24 అడుగుల పొడవు, 14 అడుగుల వెడల్పు ఉన్న పునరుద్ధరించిన హౌస్బోట్లో నడుస్తోంది. ఇక్కడ సాధారణ పోస్టల్ సేవలు అందుతాయి. ఉత్తరాలు, ఇతర పోస్టులను సేకరించడం, స్టాంపులు అమ్మడం, బ్యాంకింగ్కు సంబంధించిన సేవలు అందించడం వంటివి జరుగుతాయి. అదే సమయంలో ప్రపంచం నలుమూలల నుంచి వచ్చే పర్యాటకులను కూడా ఇది ఆకర్షిస్తోంది. అయితే దాల్ లేక్పై తేలుతూ సాగుతున్న జీవన విధానం ఇప్పటిది కాదు. దాని చరిత్ర చాలా పాతది. తరతరాలుగా శ్రీనగర్లోని సరస్సు ఆధారిత ఆర్థిక వ్యవస్థలో కొంత భాగం పూర్తిగా నీటిపైనే నడిచేది. కూరగాయలు అమ్మేవాళ్లు, రవాణా చేసేవాళ్లు, మత్స్యకారులు, చేతివృత్తుల వారు ప్రతిరోజూ శికారాల ద్వారా సరస్సులో తిరిగేవారు. (image: Wikimedia Commons)
