74వ వ్యవస్థాపక దినోత్సవ వేడుకల్లో భాగంగా భవిష్య నిధి అవార్డులు 2026ను కూడా ప్రదానం చేయనున్నారు. EPFO ప్రాంతీయ, జోనల్ కార్యాలయాలు, అధికారులు, ఉద్యోగులు అందించిన అత్యుత్తమ సేవలను ఈ సందర్భంగా మంత్రి మన్సుఖ్ మాండవియా గుర్తించి అభినందిస్తారు. సంస్థ పనితీరును మెరుగుపరచడంలో, సభ్యులకు మెరుగైన సేవలు అందించడంలో విశేష కృషి చేసిన వారికి ఈ అవార్డులు అందించనున్నారు. అంతేకాకుండా సంస్థ చేపట్టిన వివిధ కార్యక్రమాలను వివరించే ఎగ్జిబిషన్ స్టాల్స్‌ను మంత్రి సందర్శిస్తారు. జ్ఞాన సృష్టి, సంస్థాగత అభ్యసనం, పారదర్శక పాలన, చట్టపరమైన అవగాహన వంటి అంశాల్లో EPFO చేస్తున్న కృషిని ఈ ప్రదర్శనల ద్వారా వివరించనున్నారు. ఈ సందర్భంగా పలు ప్రచురణలను కూడా విడుదల చేయనున్నారు.
