బులియన్స్.కో.ఇన్ (bullions.co.in) వెల్లడించిన ధరల ప్రకారం.. హైదరాబాద్ బులియన్ మార్కెట్లో అక్టోబర్ 26న 24 క్యారెట్ల 10 గ్రాముల బంగారం ధర రూ.1,43,490గా ఉంది. నవంబర్ 1 నాటికి ఈ ధర రూ.1,38,810కు పడిపోయింది. అంటే కేవలం ఆరు రోజుల్లోనే 10 గ్రాముల బంగారంపై రూ.4,680 తగ్గింది. ధరల తగ్గుదల ఎంత వేగంగా ఉందో ఈ గణాంకాలను చూస్తే అర్థమవుతోంది. గత నెల రోజులుగా బంగారం ధరల్లో కనిపిస్తున్న ఒడిదుడుకులకు తోడు, ఈ వారం కూడా భారీ తగ్గుదల నమోదైంది. ఇక ఆభరణాల తయారీకి సాధారణంగా ఎక్కువగా ఉపయోగించే 22 క్యారెట్ల బంగారం ధర కూడా తగ్గింది. నవంబర్ 1 నాటికి హైదరాబాద్‌లో 22 క్యారెట్ల 10 గ్రాముల బంగారం ధర రూ.1,27,240కు చేరింది. 24 క్యారెట్లతో పాటు 22 క్యారెట్ల ధరలు కూడా తగ్గడంతో బంగారు ఆభరణాలు కొనాలనుకునే వారికి కొంత ఊరట లభించింది. ముఖ్యంగా పెళ్లిళ్ల కోసం నగలు కొనుగోలు చేయాల్సిన కుటుంబాలకు ఈ తగ్గుదల ఉపయోగపడే అవకాశం ఉంది.
