ఇక ఈవీ ఛార్జర్ వేడెక్కదు… లిక్విడ్ కూలింగ్ టెక్నాలజీ తీసుకొచ్చిన ఎక్సికామ్ | Exicom Begins Manufacturing Liquid-Cooled AC and DC Power Modules | బిజినెస్

ఈవీ ఛార్జింగ్ రంగంలో భారత్ మరో కీలక అడుగు వేసింది. దేశంలో తొలిసారిగా లిక్విడ్-కూల్డ్ పవర్ మాడ్యూల్స్‌ను తయారు చేసే సంస్థగా ఎక్సికామ్ టెలీ-సిస్టమ్స్ నిలిచింది. హైదరాబాద్‌లోని తన స్మార్ట్ మాన్యుఫ్యాక్చరింగ్ ఫెసిలిటీలో అధునాతన లిక్విడ్-కూల్డ్ ఏసీ, డీసీ పవర్ మాడ్యూల్స్ తయారీని కంపెనీ ప్రారంభించింది. ఇవి గ్లోబల్ మార్కెట్ల కోసం తయారు కానున్నాయి. భారత్‌ను టెక్నాలజీ ఆధారిత తయారీకి గ్లోబల్ కేంద్రంగా మార్చాలన్న ఎక్సికామ్ ప్రయత్నాలకు ఈ కొత్త తయారీ యూనిట్ మరో బలం ఇస్తుంది. కంపెనీ దీర్ఘకాలిక ప్రొడక్ట్ ప్లాన్‌లో ఇది ముఖ్యమైన అడుగు. అధిక విలువ ఉన్న ఉత్పత్తులను విదేశాలకు ఎగుమతి చేసే అవకాశాలు పెరగడంతో పాటు, డిజైన్ ఆధారిత తయారీ సంస్థగా ఎక్సికామ్ ప్రత్యేకత కూడా మరింత బలపడనుంది.