యాపిల్ ఉత్పత్తుల గురించి చాలా కాలంగా వ్యాఖ్యలు చేస్తున్న జాన్ గ్రూబర్, డేరింగ్ ఫైర్‌బాల్ అనే బ్లాగ్‌లో తన అభిప్రాయాన్ని పంచుకున్నారు. “వారం రోజుల పాటు డ్యుయోను ఉపయోగించడం చాలా సరదాగా అనిపించింది. కానీ పూర్తిగా తయారైన ఉత్పత్తిని ఉపయోగిస్తున్నట్టు కాకుండా, చాలా చక్కగా మెరుగుపరిచిన ఒక ప్రోటోటైప్‌ను పరీక్షిస్తున్నట్టుగా అనిపించింది. నేను డబ్బు పెట్టి కొనుక్కుని, రోజూ నాతో తీసుకెళ్లాలనుకునే ఫోన్‌లా మాత్రం అనిపించలేదు” అని ఆయన తన సమీక్షలో రాశారు. ఎమ్‌కేబీహెచ్‌డీ (MKBHD) పేరుతో ప్రసిద్ధి చెందిన టెక్ సమీక్షకుడు మార్క్వెస్ బ్రౌన్లీ కూడా యూట్యూబ్ సమీక్షలో తన అభిప్రాయాన్ని తెలిపారు. “మీరు సాధారణ వినియోగదారులైతే, ఎక్కువగా మెసేజ్‌లు పంపడం, సోషల్ మీడియాలో చూడటం, అప్పుడప్పుడు ఇంటర్నెట్ బ్రౌజ్ చేయడం మాత్రమే చేస్తుంటే, ఈ ఫోన్ మీకు అవసరం లేకపోవచ్చు. కానీ 2,000 డాలర్లు ఖర్చు చేయడం మీకు పెద్ద విషయం కాకపోతే, ఈ ఫోన్ ఆలోచన నచ్చితే, దీన్ని ఎలా ఉపయోగాలో నేర్చుకుని, ఫేస్ ఐడీ లేకుండా అలవాటు పడిన తర్వాత చాలా సరదాగా ఉపయోగించవచ్చు” అని ఆయన చెప్పారు. (image: Apple India)
