Last Updated:
మీ బరువు సరైనదేనా? కేవలం బరువు సంఖ్యను చూసి ఆరోగ్యాన్ని అంచనా వేయడం సాధ్యం కాదు. మీ ఎత్తు, వయసు, శరీర నిర్మాణాన్ని బట్టి ఆదర్శ బరువు మారుతుంది. అలాగే BMI ఎంత ఉండాలి? పూర్తి వివరాలు తెలుసుకోండి.
Weight by Height: చాలామంది తమ బరువు పెరుగుతోందా, తగ్గుతోందా అనే విషయంపై ప్రత్యేకంగా దృష్టి పెడుతుంటారు. అయితే కేవలం బరువు సంఖ్యను చూసి ఒక వ్యక్తి ఆరోగ్యంగా ఉన్నాడా లేదా అని నిర్ణయించడం సరైన పద్ధతి కాదని నిపుణులు చెబుతున్నారు. వ్యక్తి ఎత్తు, వయసు, శరీర నిర్మాణం, కండరాల పరిమాణం వంటి అనేక అంశాలు ఆరోగ్యకరమైన బరువును నిర్ణయించడంలో కీలక పాత్ర పోషిస్తాయి. అయినప్పటికీ సాధారణంగా ఎత్తుకు అనుగుణంగా ఒక నిర్దిష్ట బరువు పరిధిని ఆదర్శ బరువుగా పరిగణిస్తారు. ఎత్తుకు సంబంధించి బరువు సమతుల్యంగా ఉండటం ఆరోగ్యకరమైన జీవనశైలిని కొనసాగించేందుకు సహాయపడుతుంది. అదే సమయంలో అవసరానికి మించి బరువు పెరగడం అనేక ఆరోగ్య సమస్యలకు దారితీసే అవకాశం ఉంటుంది.
