ఈ వందే భారత్ స్లీపర్ ఎక్స్‌ప్రెస్‌లో మొత్తం 16 ఎల్‌హెచ్‌బీ ఏసీ కోచ్‌లు ఉండవచ్చని సమాచారం. ప్రయాణికుల అవసరాలను బట్టి ఏసీ ఫస్ట్ క్లాస్, ఏసీ సెకండ్ క్లాస్, ఏసీ థర్డ్ క్లాస్ కోచ్‌లను ఏర్పాటు చేయాలని ప్రతిపాదించారు. వివరాల ప్రకారం, ఇందులో ఒక ఏసీ ఫస్ట్ క్లాస్ కోచ్, నాలుగు ఏసీ సెకండ్ క్లాస్ కోచ్‌లు, 11 ఏసీ థర్డ్ క్లాస్ కోచ్‌లు ఉండవచ్చని తెలుస్తోంది. ఈ కోచ్‌లన్నింటిలో కలిపి ఒకేసారి సుమారు 823 మంది ప్రయాణించే అవకాశం ఉంది. ప్రయాణికులు తమ బడ్జెట్, సౌకర్యాల అవసరాన్ని బట్టి అందుబాటులో ఉండే తరగతుల్లో టికెట్లు బుక్ చేసుకోవచ్చు. రైలు ప్రారంభ తేదీ దగ్గరపడుతున్నప్పటికీ టికెట్ ధరలు, పూర్తి రిజర్వేషన్ విధానం, అన్ని స్టాపుల వివరాలను రైల్వే శాఖ ఇంకా అధికారికంగా వెల్లడించలేదు. ఇప్పటివరకు ప్రతిపాదిత మార్గంలో వారణాసి, ప్రయాగ్‌రాజ్, కాన్పూర్ సెంట్రల్, న్యూఢిల్లీ స్టేషన్లు ఉన్నాయి. (ప్రతీకాత్మక చిత్రం)
