అక్టోబర్ 15 నుంచి వ్యక్తి నుంచి వ్యాపారికి చేసే రూ.2,000 కంటే ఎక్కువ యూపీఐ పేమెంట్లపై 0.4 శాతం ఎండీఆర్ వర్తిస్తుంది. ఈ ఛార్జీని వినియోగదారులు కాదు, వ్యాపారులే చెల్లించాలి. రూ.75,000 లేదా అంతకంటే ఎక్కువ లావాదేవీలకు ఈ ఛార్జీ గరిష్ఠంగా రూ.300కే పరిమితం అవుతుంది. వ్యక్తి నుంచి వ్యక్తికి చేసే పేమెంట్లు, రోజువారీగా జరిగే చాలా వరకు మర్చంట్ పేమెంట్లు మాత్రం ఉచితంగానే కొనసాగుతాయి. రైల్వేలు, టెలికాం, ఇంధనం, ఇన్సూరెన్స్ వంటి ముఖ్యమైన సేవలపై రూ.2,000 కంటే ఎక్కువ లావాదేవీలకు ఒక్కో లావాదేవీకి రూ.5 ఫ్లాట్ ఫీజు ఉంటుంది. క్యాపిటల్ మార్కెట్ లావాదేవీలకు, అంటే మ్యూచువల్ ఫండ్స్, స్టాక్‌బ్రోకింగ్ వంటి చెల్లింపులకు తక్కువగా 0.02 శాతం రేటు వర్తిస్తుంది. దీనిపైనా గరిష్ఠ ఛార్జీ రూ.300కే పరిమితం అవుతుంది. (ప్రతీకాత్మక చిత్రం)
