Last Updated:
National Small Industry Day 2026: చిన్న వర్క్షాప్గా మొదలై.. నేడు నెలకు 15 లక్షలకు పైగా జతల పాదరక్షలను ఉత్పత్తి చేసే స్థాయికి ఎదిగింది ఏషియన్ ఫుట్వేర్స్. ‘జాతీయ చిన్న పరిశ్రమల దినోత్సవం’ సందర్భంగా తన తయారీ కేంద్రాన్ని మీడియా సందర్శనకు తెరిచిన సంస్థ.. 300కు పైగా భారతీయ MSME సరఫరాదారులతో కలిసి సాగుతున్న తమ ‘మేడ్ ఇన్ ఇండియా’ ప్రయాణాన్ని వివరించింది.
భారతదేశ ఆర్థిక వ్యవస్థకు వెన్నెముకగా నిలిచే సూక్ష్మ, చిన్న, మధ్యతరహా పరిశ్రమల (MSME) ప్రాముఖ్యతను గుర్తుచేసుకుంటూ ప్రతి ఏడాదీ ఆగస్టు 30న ‘జాతీయ చిన్న పరిశ్రమల దినోత్సవాన్ని’ జరుపుకుంటారు. ఈ సందర్భాన్ని పురస్కరించుకుని, మేడ్-ఇన్-ఇండియా పాదరక్షల తయారీలో అగ్రగామిగా వెలుగొందుతున్న ప్రముఖ స్పోర్ట్స్ ఫుట్వేర్ బ్రాండ్ ‘ఏషియన్ ఫుట్వేర్స్’ ఒక ప్రత్యేక కార్యక్రమాన్ని నిర్వహించింది. న్యూఢిల్లీ సమీపంలోని బహదూర్గఢ్లో ఉన్న తమ అత్యాధునిక తయారీ కేంద్రాన్ని మీడియా ప్రతినిధుల సందర్శనార్థం (వాక్త్రూ) తెరిచింది. పాదరక్షల తయారీ రంగంలో దేశీయ ఎంఎస్ఎంఈల విశేషమైన సహకారాన్ని వెలుగులోకి తీసుకురావడమే ఈ కార్యక్రమ ప్రధాన ఉద్దేశం. అలాగే, ప్రస్తుత ఆర్థిక సంవత్సరంలో తమ ఉద్యోగుల నైపుణ్యాభివృద్ధి (Skill Development) కోసం భారీగా పెట్టుబడులు పెట్టనున్నట్లు కూడా కంపెనీ ఈ సందర్భంగా ప్రకటించింది.
