ఫీచర్లు, భద్రత ఎలా ఉన్నాయి?
డస్టర్ హైబ్రిడ్‌లో 10.1 అంగుళాల టచ్‌స్క్రీన్, వైర్‌లెస్ స్మార్ట్‌ఫోన్ కనెక్టివిటీ, డిజిటల్ డ్రైవర్ డిస్‌ప్లే, డ్యూయల్-జోన్ ఆటోమేటిక్ క్లైమేట్ కంట్రోల్ వంటి ఫీచర్లు ఉన్నాయి. టెక్నో వేరియంట్ నుంచి పనోరమిక్ సన్‌రూఫ్, కీలెస్ ఎంట్రీ, పుష్-బటన్ స్టార్ట్ వంటి సదుపాయాలు లభిస్తాయి. టాప్ ఎండ్ ఎమోషన్ వేరియంట్‌లో వెంటిలేటెడ్ ఫ్రంట్ సీట్లు, ఎలక్ట్రికల్‌గా సర్దుబాటు చేసుకునే సీట్లు, పవర్డ్ టెయిల్‌గేట్ వంటి అదనపు ఫీచర్లు ఉన్నాయి. భద్రత కోసం ఆరు ఎయిర్‌బ్యాగులు, ఎలక్ట్రానిక్ స్టెబిలిటీ ప్రోగ్రామ్, ట్రాక్షన్ కంట్రోల్, టైర్ ప్రెజర్ మానిటరింగ్ సిస్టమ్, హిల్ స్టార్ట్ అసిస్ట్, రియర్ పార్కింగ్ సెన్సర్లు, రియర్ వ్యూ కెమెరా వంటి సదుపాయాలను అందించారు. గ్రౌండ్ క్లియరెన్స్ 212 మిల్లీమీటర్లుగా ఉంది. అయితే 360-డిగ్రీ కెమెరా, ADAS వంటి కొన్ని ఫీచర్లు హైబ్రిడ్ మోడల్‌లో అందుబాటులో లేవని నివేదికలు పేర్కొంటున్నాయి. రెనాల్ట్ డస్టర్ స్ట్రాంగ్ హైబ్రిడ్‌కు మారుతి సుజుకి గ్రాండ్ విటారా, మారుతి విక్టోరిస్, టయోటా అర్బన్ క్రూయిజర్ హైరైడర్ హైబ్రిడ్ మోడళ్లు ప్రధాన పోటీదారులుగా నిలవనున్నాయి. అధిక మైలేజీతో పాటు మంచి పవర్, ఆటోమేటిక్ ట్రాన్స్‌మిషన్ కోరుకునే కస్టమర్లను ఆకర్షించడమే రెనాల్ట్ లక్ష్యంగా కనిపిస్తోంది.(Image @twitter)
