Pavala Shyamala Death: MAA సొంత ఖర్చులతో పావలా శ్యామల అంత్యక్రియలు.. బాధ్యత తీసుకున్న కరాటే కళ్యాణి | తెలుగు సినిమా వార్తలు

పావలా శ్యామల గత కొన్నేళ్లుగా తీవ్ర ఆర్థిక ఇబ్బందులు, అనారోగ్య సమస్యలతో జీవన పోరాటం సాగించి చివరకు తుది శ్వాస విడిచారు. మరోవైపు పావలా శ్యామల కూతురు కూడా ప్రస్తుతం తీవ్ర అనారోగ్యంతో బాధపడుతుండటంతో, ఆమె అంత్యక్రియల నిర్వహణకు తమ వంతు సాయంగా ‘మా’ (MAA) ముందుకు వచ్చింది. మూవీ ఆర్టిస్ట్ అసోసియేషన్ పూర్తి సొంత ఖర్చులతో ఈ అంత్యక్రియలను నిర్వహించబోతోంది. కరాటే కళ్యాణి స్వయంగా ఈ అంతిమ సంస్కారాల పూర్తి బాధ్యతలను దగ్గరుండి చూసుకోనున్నట్లు ఆమె ఓ వీడియో ద్వారా తెలిపారు. పావలా శ్యామల అనారోగ్యంగా ఉందని తెలిసిన మొదటి నుంచి, ఆవిడ గురించి తెలుసుకుంటూ ఎన్నో విషయాలలో సపోర్ట్ చేశాం. ఎన్నో వృద్ధాశ్రమాలలో ఆమెను జాయిన్ చేసి ఆశ్రమం కలిపించాం. ఈ కారణంగానే ఈ బాధ్యతను నాకు ఇచ్చారు అని కరాటే కళ్యాణి చెప్పారు.

పావలా శ్యామల (అసలు పేరు నేతి శ్యామల) 1951లో గుంటూరు జిల్లా అమరావతిలో జన్మించారు. రంగస్థల నటిగా ప్రారంభించి, 1980ల నుంచి తెలుగు సినిమాల్లో సహాయ, హాస్య పాత్రలు పోషించారు. *బాబాయి అబ్బాయి*, *స్వర్ణకమలం*, *ఖడ్గం*, *వర్షం*, *అంధ్రవాలా*, *గోలీమార్* వంటి చిత్రాల్లో నటించి సుమారు 300కి పైగా సినిమాల్లో కనిపించారు.

చివరి రోజుల్లో ఆమె తీవ్ర ఆర్థిక ఇబ్బందులు, వృద్ధాప్య సమస్యలు, గుండె సమస్యలతో జీవన పోరాటం సాగించారు. ఆమె కుమార్తె కూడా అనారోగ్యంతో బాధపడుతున్నారు. గతంలో చిరంజీవి, అల్లు అర్జున్, దిల్ రాజు, సాయి ధరమ్ తేజ్ వంటి వారు ఆర్థిక సాయం అందించినా, పరిస్థితి మెరుగుపడలేదు. 2026 మేలో ఆస్పత్రి నుంచి తిప్పి పంపబడి రోడ్డుపై కనిపించిన ఘటన కూడా వార్తల్లో వచ్చింది.