మాయ అక్కడికక్కడే ఆటోలో తప్పించుకోగా, కారు పూర్తిగా ధ్వంసమై విరాట్ తీవ్రంగా గాయపడతాడు. ముఖమంతా రక్తంతో నిండిపోతుంది. సరిగ్గా అదే క్షణంలో చంద్ర నుంచి కాల్ రాగా, రక్తం ఓడుతున్న చేతులతో ఫోన్ ఎత్తిన విరాట్ “ఆ కడుపులో ఉన్నది నీ బిడ్డే…” అని నిజం చెప్పడానికి ప్రయత్నిస్తాడు. కానీ మాట పెదవులు దాటక ముందే స్పృహ కోల్పోతాడు. అక్కడున్న ఒక వ్యక్తి ఫోన్ తీసి ప్రమాదం జరిగిందని, విరాట్ బతికే అవకాశం తక్కువగా ఉందని చెప్పడంతో చంద్ర, మదన్లు తీవ్ర దిగ్భ్రాంతితో వెంటనే ఆసుపత్రికి బయలుదేరతారు. ఈ ప్రమాదం జరిగిన సమయంలో ఇంట్లో ఉన్న జగదీశ్వరికి ఏదో చెడు సంకేతం తెలిసి తన కొడుకు గురించి భయపడుతుంది.
