లోన్ తీసుకునే ముందు మొత్తం ఎంత ఖర్చవుతుందో లెక్కించుకోవాలి. ముఖ్యంగా వడ్డీ రేటు, లోన్ చెల్లించే గడువు, నెలవారీ ఈఎంఐ, ముందుగానే లోన్ క్లోజ్ చేస్తే విధించే ఛార్జీలు, ఇతర ఫీజుల గురించి తెలుసుకోవాలి. ఎందుకంటే లోన్ కాలవ్యవధి, వడ్డీ రేటు, ఇతర ఛార్జీలను బట్టి చివరికి బ్యాంకుకు చెల్లించాల్సిన మొత్తం మారుతుంది. ప్రాసెసింగ్ ఫీజు మాఫీ అయినంత మాత్రాన లోన్ చౌకగా మారుతుందని భావించకూడదు. అలాగే లోన్ కోసం అప్లై చేసే ముందు తమకు ఈ ఆఫర్ వర్తిస్తుందో లేదో బ్యాంకును అడిగి తెలుసుకోవాలి. ఆఫర్ చివరి తేదీని కూడా చెక్ చేసుకోవాలి. మొత్తంగా చూస్తే, బ్యాంక్ ఆఫ్ ఇండియా, యాక్సిస్ బ్యాంక్ ప్రకటించిన ఈ పండుగ ఆఫర్లు లోన్ తీసుకోవాలనుకునే వారికి కొంత ఖర్చు తగ్గించే అవకాశం కల్పిస్తున్నాయి. అయితే ఆఫర్‌లో వచ్చే ప్రయోజనాలతో పాటు మొత్తం వడ్డీ భారం, రీపేమెంట్ నిబంధనలను పోల్చి చూసిన తర్వాతే రుణం తీసుకోవడం మంచిది. (ప్రతీకాత్మక చిత్రం)
