Last Updated:
గుండె జబ్బులు ఉన్నవారు గుండె ఆరోగ్యంతో పాటు దంతాలు, చిగుళ్ల ఆరోగ్యంపైనా ప్రత్యేక శ్రద్ధ పెట్టాలి. చిగుళ్ల వ్యాధి గుండె సంబంధిత సమస్యలతో ముడిపడి ఉండొచ్చని నిపుణులు చెబుతున్నారు.
గుండె జబ్బులతో బాధపడేవారు తమ ఆరోగ్యంపై ప్రత్యేక శ్రద్ధ తీసుకోవాలి. అయితే చాలామంది దంతాలు, చిగుళ్లకు సంబంధించిన సమస్యలను చిన్నవిగా భావించి నిర్లక్ష్యం చేస్తుంటారు. ఇలా చేయడం వల్ల సమస్య మరింత పెరిగే అవకాశం ఉంది. నోటి ఆరోగ్యం, గుండె ఆరోగ్యం మధ్య సంబంధం ఉందని పలు అధ్యయనాలు సూచిస్తున్నాయి. ముఖ్యంగా చిగుళ్ల వ్యాధి వల్ల శరీరంలో వాపు (ఇన్ఫ్లమేషన్) పెరిగే అవకాశం ఉండటంతో, గుండె ఆరోగ్యంపై ప్రభావం ఉండొచ్చని పరిశోధనలు చెబుతున్నాయి. అయితే చిగుళ్ల వ్యాధే నేరుగా గుండె జబ్బులకు కారణమవుతుందని ఇంకా నిర్ధారించలేదు.
