బంగారం ధరలు తగ్గితే కొనుగోళ్లు పెరుగుతాయని చాలామంది భావిస్తారు. కానీ ప్రస్తుతం భారత్‌లో పరిస్థితి భిన్నంగా ఉంది. ఇరాన్ యుద్ధం మొదలైనప్పటి నుంచి బంగారం ధరలు దాదాపు 24 శాతం పడిపోయినా, దీపావళి పండుగకు ముందు దేశంలోని పెద్ద జ్యువెలరీ సంస్థలు మాత్రం బంగారం కొనడానికి తొందరపడటం లేదని మనీకంట్రోల్ కథనం వివరిస్తోంది. ధరలు మరింత తగ్గే అవకాశం ఉందని ఎదురుచూస్తున్నాయి. దేశంలో అతిపెద్ద విలువైన లోహాల రిఫైనరీ సంస్థ అయిన ఎంఎంటీసీ-పీఏఎంపీ ఈ విషయాన్ని వెల్లడించింది. పండుగల సీజన్‌లో బంగారానికి డిమాండ్ ఎక్కువగా ఉంటుంది. అయినప్పటికీ, పెద్ద జ్యువెలరీ కంపెనీలు ప్రస్తుతం కొనుగోళ్ల విషయంలో ఆచితూచి వ్యవహరిస్తున్నాయి. ధరలు ఇంకా తగ్గితే తక్కువ ధరకు బంగారం కొనొచ్చని భావిస్తున్నాయి. మరోవైపు, చిన్న, మధ్య తరహా జ్యువెలరీ వ్యాపారులు మాత్రం కొంత చురుగ్గా కొనుగోళ్లు చేస్తున్నారు. (ప్రతీకాత్మక చిత్రం)
