భారతీయ రైల్వే దేశం నలుమూలలను కలుపుతూ ప్రపంచంలోనే అతిపెద్ద రైల్వే నెట్వర్క్లలో ఒకటిగా ఉంది. ఈ నెట్వర్క్లోని స్టేషన్లకు నగరాలు, గ్రామాలు, నదులు, చారిత్రక వ్యక్తులు, భాషలు, స్థానిక సంస్కృతులకు సంబంధించిన పేర్లు ఉంటాయి. అయితే ఇంత పెద్ద నెట్వర్క్లో చాలా చిన్న పేర్లున్న రెండు స్టేషన్లు ప్రత్యేకంగా నిలుస్తున్నాయి. భారతీయ రైల్వే సోషల్ మీడియాలో చేసిన ఓ పోస్టులో ఒడిశాలోని ఇబ్ (ib), గుజరాత్లోని ఓడ్ (od) స్టేషన్ల గురించి చెప్పింది. ఈ రెండు స్టేషన్ల పేర్లలో కేవలం రెండు అక్షరాలే ఉన్నాయని తెలిపింది. “బిగ్ నెట్వర్క్. టైనీ నేమ్స్!” అంటూ ఆ పోస్టుకు క్యాప్షన్ పెట్టింది. భారతీయ రైల్వేలో అతి చిన్న స్టేషన్ పేర్లలో ఇవి కూడా ఉన్నాయని పేర్కొంది. (ప్రతీకాత్మక చిత్రం)
