2026 సెప్టెంబర్ 30న కేంద్ర ప్రభుత్వం 2027-28 మార్కెటింగ్ సీజన్‌కు సంబంధించి అన్ని నిర్దేశిత రబీ పంటల కనీస మద్దతు ధరలను పెంచేందుకు ఆమోదం తెలిపింది. గోధుమలకు క్వింటాల్‌కు కొత్త ఎంఎస్‌పీ రూ.2,610. ఉత్పత్తి ఖర్చు రూ.1,264. ఖర్చుపై అంచనా రాబడి 106 శాతం. 2026-27లో ధర రూ.2,585 కాగా, ఇప్పుడు రూ.25 పెరిగింది. బార్లీకి క్వింటాల్‌కు కొత్త ఎంఎస్‌పీ రూ.2,286. ఉత్పత్తి ఖర్చు రూ.1,447. ఖర్చుపై అంచనా రాబడి 58 శాతం. గతంలో రూ.2,150 ఉండగా, ఇప్పుడు రూ.136 పెరిగింది. శనగలకు క్వింటాల్‌కు కొత్త ఎంఎస్‌పీ రూ.5,958. ఉత్పత్తి ఖర్చు రూ.3,751. ఖర్చుపై అంచనా రాబడి 59 శాతం. గతంలో రూ.5,875 ఉండగా, ఇప్పుడు రూ.83 పెరిగింది. మసూర్ దాల్‌కు క్వింటాల్‌కు కొత్త ఎంఎస్‌పీ రూ.7,390. ఉత్పత్తి ఖర్చు రూ.3,854. ఖర్చుపై అంచనా రాబడి 92 శాతం. గతంలో రూ.7,000 ఉండగా, ఇప్పుడు రూ.390 పెరిగింది. రేప్‌సీడ్, ఆవాలకు క్వింటాల్‌కు కొత్త ఎంఎస్‌పీ రూ.6,613. ఉత్పత్తి ఖర్చు రూ.3,367. ఖర్చుపై అంచనా రాబడి 96 శాతం. గతంలో రూ.6,200 ఉండగా, ఇప్పుడు రూ.413 పెరిగింది. కుసుమలకు క్వింటాల్‌కు కొత్త ఎంఎస్‌పీ రూ.7,215. ఉత్పత్తి ఖర్చు రూ.4,810. ఖర్చుపై అంచనా రాబడి 50 శాతం. గతంలో రూ.6,540 ఉండగా, ఇప్పుడు రూ.675 పెరిగింది. ఉత్పత్తి ఖర్చుతో పోలిస్తే గోధుమలకు అత్యధికంగా 106 శాతం రాబడి ఉంటుందని అంచనా వేశారు. ఆ తర్వాత రేప్‌సీడ్, ఆవాలకు 96 శాతం, మసూర్ పప్పుకు 92 శాతం, శనగలకు 59 శాతం రాబడి ఉంటుందని లెక్కించారు. 2027-28 రబీ మార్కెటింగ్ సీజన్‌లో 324 లక్షల మెట్రిక్ టన్నుల పంటను కొనుగోలు చేస్తే రైతులకు సుమారు రూ.90,962 కోట్లు చెల్లించాల్సి ఉంటుందని ప్రభుత్వం అంచనా వేసింది. రైతులకు పంటకు తగిన ధర అందించడంతో పాటు, ఒకే రకమైన పంటలపై ఆధారపడకుండా ఇతర పంటల సాగును ప్రోత్సహించడం కూడా ఈ ధరల పెంపు లక్ష్యాల్లో ఒకటి. (image: PIB)
