Last Updated:
నందమూరి బాలకృష్ణ, దర్శకుడు కొరటాల శివ కాంబినేషన్‌లో ఓ భారీ సినిమా తెరకెక్కనున్న సంగతి తెలిసిందే. ఇప్పటికే ఈ ప్రాజెక్ట్‌ను అధికారికంగా ప్రకటించగా, సినిమాపై నందమూరి అభిమానుల్లో భారీ అంచనాలు నెలకొన్నాయి.
నందమూరి బాలకృష్ణ, దర్శకుడు కొరటాల శివ కాంబినేషన్‌లో ఓ భారీ సినిమా తెరకెక్కనున్న సంగతి తెలిసిందే. ఇప్పటికే ఈ ప్రాజెక్ట్‌ను అధికారికంగా ప్రకటించగా, సినిమాపై నందమూరి అభిమానుల్లో భారీ అంచనాలు నెలకొన్నాయి. ఈ నేపథ్యంలో సినిమాకు సంబంధించి రోజుకో వార్త నెట్టింట చక్కర్లు కొడుతోంది. తాజాగా బాలయ్యకు ప్రతినాయకుడిగా బాలీవుడ్ దర్శకుడు, నటుడు అనురాగ్ కశ్యప్ కనిపించనున్నారనే ప్రచారం ఆసక్తిని పెంచుతోంది. అయితే ఈ విషయంపై చిత్రబృందం నుంచి అధికారిక ప్రకటన రావాల్సి ఉంది.
అనురాగ్ కశ్యప్ బాలీవుడ్‌లో దర్శకుడిగా ప్రత్యేక గుర్తింపు తెచ్చుకున్నారు. నటుడిగానూ పలు చిత్రాల్లో విభిన్నమైన పాత్రలు పోషించారు. ఇప్పుడు కొరటాల శివ దర్శకత్వంలో బాలయ్య నటించనున్న సినిమాలో ఆయన ప్రతినాయకుడిగా కనిపించనున్నారనే వార్తలు వినిపిస్తున్నాయి. ఈ పాత్రలో అనేక కోణాలు ఉంటాయని, బాలయ్య పాత్రకు గట్టి పోటీ ఇచ్చేలా ప్రతినాయకుడిని తీర్చిదిద్దుతున్నారని ప్రచారం జరుగుతోంది. అయితే అనురాగ్ కశ్యప్ ఎంపిక, ఆయన పాత్ర స్వరూపం గురించి అధికారికంగా ఎలాంటి వివరాలు వెల్లడికాలేదు.
కొరటాల శివ సినిమాలను పరిశీలిస్తే కథతో పాటు దాని నేపథ్యానికి కూడా ఆయన ప్రత్యేక ప్రాధాన్యం ఇస్తుంటారు. మిర్చి, శ్రీమంతుడు, జనతా గ్యారేజ్, భరత్ అనే నేను, దేవర వంటి సినిమాలో కథకు అనుగుణంగా సామాజిక అంశాలు, స్థానిక పరిస్థితులు, పాత్రల భావోద్వేగాలను మేళవించారు. ఇప్పుడు బాలకృష్ణతో చేయనున్న సినిమాలో ఎలాంటి నేపథ్యాన్ని ఎంచుకున్నారనేది ఆసక్తికరంగా మారింది.
ఈ సినిమాలో కుటుంబ భావోద్వేగాలకు కూడా ప్రాధాన్యం ఉంటుందని ప్రచారం జరుగుతోంది. మాస్ అంశాలతో పాటు కుటుంబ సంబంధాలను కలిపి ఓ ప్రత్యేకమైన కథను సిద్ధం చేస్తున్నారని వార్తలు వస్తున్నాయి. అయితే కథ, పాత్రల వివరాలపై చిత్రబృందం నుంచి అధికారిక సమాచారం అందాల్సి ఉంది.
దేవర తర్వాత కొరటాల శివ దర్శకత్వం వహించనున్న చిత్రం కావడంతో ఈ ప్రాజెక్ట్‌పై ఆసక్తి పెరిగింది. మరోవైపు బాలకృష్ణ ప్రస్తుతం తన తదుపరి సినిమాలతో బిజీగా ఉన్నారు. ఈ నేపథ్యంలో ఆయన ప్రస్తుత ప్రాజెక్ట్ పూర్తయిన తర్వాత కొరటాల శివ సినిమా సెట్స్‌పైకి వెళ్లనున్నట్లు గతంలో వార్తలు వచ్చాయి.
ఈ చిత్రాన్ని సుధాకర్ చెరుకూరి నిర్మిస్తున్నారు. బాలకృష్ణ మాస్ ఇమేజ్‌కు కొరటాల శివ కథ, దర్శకత్వం తోడైతే సినిమా ఏ స్థాయిలో ఉంటుందనే చర్చ ఇప్పటికే మొదలైంది. అనురాగ్ కశ్యప్ విలన్‌గా నటిస్తారనే వార్త నిజమైతే ఈ కాంబినేషన్‌పై మరింత ఆసక్తి పెరిగే అవకాశం ఉంది. అయితే ప్రస్తుతం ఇవి ప్రచారంలో ఉన్న వార్తలు మాత్రమే. నటీనటులు, కథ, షూటింగ్‌కు సంబంధించిన పూర్తి వివరాల కోసం అధికారిక ప్రకటన వచ్చే వరకు వేచి చూడాల్సిందే.
