ఐఫోన్ ఎయిర్లో ధరల పెంపు మరింత ఎక్కువగా ఉంది. 256జీబీ, 512జీబీ వేరియంట్ల ధరలు 25 శాతం పెరిగాయి. 1టీబీ వేరియంట్ ధర ఏకంగా 40.6 శాతం పెరిగి రూ.1,59,900 నుంచి రూ.2,24,900కు చేరింది. ఐఫోన్ 17e ధర 23.1 శాతం నుంచి 23.6 శాతం వరకు పెరిగింది. 128జీబీ ఐఫోన్ 16 ధర ఇప్పుడు రూ.89,900. ఇది 28.6 శాతం పెరుగుదల. ఐఫోన్ 18 ప్రో 2టీబీ వేరియంట్ ధర రూ.3,14,900 వరకు ఉంది. ప్రో మ్యాక్స్ ధర రూ.3,29,900 వరకు, ఐఫోన్ డ్యూ 2టీబీ వేరియంట్ ధర రూ.4,49,900 వరకు ఉంది. ఐఫోన్లకే కాకుండా యాపిల్ మ్యాక్ రేంజ్పైనా ఈ ఆఫర్లు ఉన్నాయి. మ్యాక్బుక్ ప్రోపై రూ.15,000 వరకు క్యాష్బ్యాక్ లభిస్తుంది. ఎం5 చిప్ ఉన్న మ్యాక్బుక్ ఎయిర్పై రూ.10,000 వరకు క్యాష్బ్యాక్ ఉంటుంది. మ్యాక్బుక్ నియోపై రూ.7,000, ఐమ్యాక్, మ్యాక్ మినీపై ఒక్కోదానిపై రూ.5,000 క్యాష్బ్యాక్ అందుబాటులో ఉంది. మ్యాక్బుక్లకు కూడా ఫైనాన్సింగ్ ఆప్షన్లు ఉన్నాయి. అర్హత ఉన్న మోడళ్లపై 18 నెలలు, 24 నెలల రీపేమెంట్ ఆప్షన్లు లభిస్తాయి. పాత డివైస్ను ఎక్స్చేంజ్ చేసే మ్యాక్ కొనుగోలుదారులకు అదనపు బెనిఫిట్ కూడా ఉంటుంది. మ్యాక్బుక్ ప్రోపై పాత డివైస్ విలువను బట్టి రూ.10,000 వరకు ఎక్స్చేంజ్ బెనిఫిట్ పొందొచ్చు. పాత డివైస్ విలువ రూ.13,000 లేదా అంతకంటే ఎక్కువ ఉంటే గరిష్ఠ బెనిఫిట్ లభిస్తుంది. (image: Apple India)
