Last Updated:
SUVలే మార్కెట్ను శాసిస్తున్నాయని అనుకుంటున్నారా? కానీ అందరి అంచనాలను తలకిందులు చేస్తూ ఓ కారు దేశంలోనే అత్యధికంగా అమ్ముడవుతోంది. ఏ కారు అది? ఎందుకు అంత క్రేజ్ వచ్చింది? ధర, మైలేజ్, సేఫ్టీ, ఫీచర్లు, అమ్మకాల రికార్డులు తెలుసుకుంటే మీరు కూడా ఆశ్చర్యపోతారు.
భారత ఆటోమొబైల్ మార్కెట్లో ప్రస్తుతం స్పోర్ట్స్ యుటిలిటీ వెహికిల్స్ (SUVలు) ఆధిపత్యం కొనసాగుతున్నప్పటికీ, ఒక సెడాన్ కారు మాత్రం అమ్మకాల పరంగా అందరి దృష్టిని ఆకర్షిస్తోంది. సాధారణంగా గత కొన్నేళ్లుగా SUVలకే ఎక్కువ డిమాండ్ ఉన్నప్పటికీ, మారుతి సుజుకి డిజైర్ (Maruti Suzuki Dzire) మాత్రం ఈ ధోరణిని అధిగమిస్తూ భారీ అమ్మకాలతో కొత్త రికార్డులు సృష్టిస్తోంది. FY27 (2026-27 ఆర్థిక సంవత్సరం) ప్రారంభ నాలుగు నెలల్లో దేశంలోనే అత్యధికంగా అమ్ముడైన కారుగా డిజైర్ నిలిచింది.
