Last Updated:
తూర్పు లడఖ్‌లో వాస్తవాధీన రేఖ సమీపంలో ఉన్న వ్యూహాత్మక న్యోమా ఎయిర్‌బేస్‌పై భారత వైమానిక దళం భారీ రవాణా విమానం ఐఎల్-76ఎండిని దింపి ప్రపంచ రికార్డు సృష్టించింది. 13,629 అడుగుల ఎత్తులో ఈ విమానం ల్యాండ్ కావడం ఇదే ప్రథమం.
భారత వైమానిక దళం (ఐఏఎఫ్) రక్షణ రంగ చరిత్రలో అపూర్వ మైలురాయిని అధిగమించింది. తూర్పు లడఖ్‌లోని వ్యూహాత్మక న్యోమా ఎయిర్‌ఫీల్డ్‌పై రష్యా తయారీ భారీ రవాణా విమానం ఇల్యుషిన్ ఐఎల్-76ఎండి (గజరాజ్) విజయవంతంగా ల్యాండ్ అయింది. సముద్ర మట్టానికి ఏకంగా 13,629 అడుగుల ఎత్తులో ఉన్న ఈ ఎయిర్‌బేస్‌పై ఐఎల్-76 శ్రేణి భారీ విమానం దిగడం ప్రపంచంలోనే ఇదే అత్యంత ఎత్తైన ల్యాండింగ్‌గా రికార్డు సృష్టించింది. ఈ విషయాన్ని శనివారం అధికారికంగా వెల్లడించిన వైమానిక దళం, పైలట్ల అద్భుత నైపుణ్యం, వృత్తిపరమైన ప్రతిభ వల్లనే ఈ క్లిష్టమైన ఆపరేషన్ సాధ్యమైందని కొనియాడింది.
చైనాతో సరిహద్దు అయిన వాస్తవాధీన రేఖకు (ఎల్ఏసీ) కేవలం 25 కిలోమీటర్ల దూరంలో ఉన్న ఈ కేంద్రంలో ఇంతటి బరువైన యుద్ధ విమానం దిగడం భారత వ్యూహాత్మక ఎయిర్‌లిఫ్ట్ సామర్థ్యానికి తిరుగులేని నిదర్శనంగా నిలిచింది.
గతంలో కేవలం హెలికాప్టర్లు, చిన్న విమానాలకు పరిమితమైన న్యోమా స్థావరాన్ని సరిహద్దు రహదారుల సంస్థ (బీఆర్ఓ) ఆధునీకరించి 2.7 కిలోమీటర్ల పొడవైన అధునాతన కాంక్రీట్ రన్‌వేను నిర్మించింది. గతేడాది సి-130జే సూపర్ హెర్క్యులస్ విమానంతో ప్రారంభమైన ఈ ఎయిర్‌బేస్, ఇప్పుడు ఐఎల్-76 వంటి భారీ రవాణా విమానాలను సైతం సురక్షితంగా దించే స్థాయికి ఎదిగింది. ఎత్తైన ప్రదేశాల్లో గాలి సాంద్రత తక్కువగా ఉండటం వల్ల భారీ విమానాలను నియంత్రించడం ఎంతో సవాలుతో కూడుకున్న పని.
INDIA’S AIR POWER IS ON ANOTHER LEVEL! 🔥
13,629 FEET ABOVE SEA LEVEL! And the Indian Air Force just pulled off a massive feat!An IAF IL-76MD has landed at Nyoma Airfield in Eastern Ladakh, taking India’s high-altitude air operations to a whole new level.
Why is this BIG?
Nyoma sits at an altitude of around 13,000+ feet.
Its 2.7-km runway strengthens military logistics in Eastern Ladakh.
It is strategically located close to the Line of Actual Control (LAC).
— Pradeep Bhandari(प्रदीप भंडारी)🇮🇳 (@pradip103) November 7, 2026
ఈ సరికొత్త విజయంతో అత్యవసర పరిస్థితుల్లో సరిహద్దు ప్రాంతాలకు భారీ ఆయుధాలు, ట్యాంకులు, అదనపు సైనిక బలగాలను కేవలం కొన్ని గంటల వ్యవధిలోనే చేరవేసే వీలు కలిగింది. కొత్త వైమానిక దళ అధిపతి ఎయిర్ చీఫ్ మార్షల్ అశుతోష్ దీక్షిత్ బాధ్యతలు చేపట్టిన కొద్ది రోజుల్లోనే ఈ విన్యాసం విజయవంతంగా పూర్తి కావడం విశేషం.
13,629 FEET. A NEW HEIGHT IN AVIATION HISTORY.
An Indian Air Force IL-76MD has scripted history with a successful landing at Nyoma, marking the highest-altitude landing ever achieved by the aircraft anywhere in the world.
A remarkable demonstration of the aircraft’s enduring capability, backed by the exceptional skill, precision, and professionalism of its crew.A milestone that reinforces India’s strategic airlift capability.
Pushing boundaries. Redefining limits. Making history.
#IndianAirForce #IAF #Nyoma #AviationHistory #IndianDefence
@DefenceMinIndia
@SpokespersonMoD
@HQ_IDS_India
@adgpi
@indiannavy
@CareerinIAF
@air_veterans— Indian Air Force (@IAF_MCC) November 7, 2026
చైనా సరిహద్దుల్లో భారత సైనిక నిఘా, రవాణా వ్యవస్థను పటిష్టం చేయడంలో న్యోమా స్థావరం భవిష్యత్తులో కీలక కేంద్రంగా మారనుంది. శత్రువుల కదలికలను నిరంతరం పసిగట్టేందుకు, పర్వత ప్రాంత రక్షణ కార్యకలాపాలను వేగవంతం చేసేందుకు ఈ ల్యాండింగ్ భారత సైన్యానికి కొండంత ఆత్మవిశ్వాసాన్ని అందించింది.
