ఈ కార్యక్రమం విజయవంతం కావాలంటే కేంద్ర, రాష్ట్ర వ్యవసాయ శాఖలతో పాటు పరిశోధనా సంస్థలు, స్థానిక వ్యవసాయ సంస్థలు, రైతు సంఘాలు కలిసి పనిచేయాలి. అందుకే ఒక్కో సంస్థకు ప్రత్యేక బాధ్యతలు అప్పగించారు. కార్యక్రమాన్ని రూపొందించడం, అమలు చేయడం ఈ శాఖల ప్రధాన బాధ్యత. అవసరమైన మార్గదర్శకాలు జారీ చేయడం, ముందస్తు సమావేశాలు నిర్వహించడం, జిల్లా స్థాయి కార్యక్రమాల షెడ్యూల్‌కు ఆమోదం తెలపడం వంటి పనులు చేపడతాయి. క్షేత్రస్థాయిలో పనిచేసే సిబ్బందిని, ఇతర భాగస్వామ్య సంస్థలను సమన్వయం చేస్తాయి. ప్రభుత్వ పథకాలు, సేవలు రైతులకు అందేలా సహకరిస్తాయి. కార్యక్రమాల వివరాలు, నివేదికలను సేకరించి ఒకచోట చేర్చుతాయి. జిల్లా, మండల, గ్రామ స్థాయిల్లో కార్యక్రమాలను సమన్వయం చేస్తారు. ప్రతి ప్రాంతానికి అనుగుణంగా చిన్న చిన్న కార్యాచరణ ప్రణాళికలు రూపొందిస్తారు. రైతులు, స్థానిక సంస్థలను కార్యక్రమాల్లో పాల్గొనేలా చేస్తారు. సమావేశాలకు అవసరమైన ప్రదేశాలు, పొలాలకు వెళ్లేందుకు అనుమతులు, ప్రచార సామగ్రి, ఇతర ఏర్పాట్లు చూస్తారు. కార్యక్రమాలకు హాజరైన వారి వివరాలు, నిర్వహించిన కార్యకలాపాల రికార్డులను నిర్వహిస్తారు. ఈ సంస్థలు రైతులకు శాస్త్రీయ సలహాలు, స్థానిక పరిస్థితులకు తగిన వ్యవసాయ సూచనలు అందిస్తాయి. అవసరమైన నిపుణులను నియమించడం, శిక్షణ కార్యక్రమాలకు సహకరించడం, పొలాల్లో ప్రదర్శనలు నిర్వహించడం వీటి బాధ్యత. రైతులు, శాస్త్రవేత్తల మధ్య సమావేశాలు నిర్వహిస్తాయి. రైతులకు ఇచ్చే సాంకేతిక సమాచారాన్ని సిద్ధం చేయడం, సరిచూసి ఆమోదించడం, పరిశోధనల ఆధారాలను అందించడం, కార్యక్రమాల నుంచి నేర్చుకున్న విషయాలను నమోదు చేయడం కూడా వీటి పనుల్లో భాగం. అయితే ప్రత్యేకంగా అధికారం ఇవ్వనంత వరకు రాష్ట్రస్థాయి కార్యక్రమాల అమలు, పరిపాలనా నియంత్రణ, నిబంధనల అమలు, ఖర్చుల బాధ్యతలు ఈ సంస్థలకు ఉండవు. (ప్రతీకాత్మక చిత్రం)
