త్రివిక్రమ్ వ్యక్తిత్వం గురించి:
త్రివిక్రమ్ గొప్ప దర్శకుడని ముందే తెలుసని, అయితే ఆయనను వ్యక్తిగతంగా కలిసిన తర్వాత ఆయన వ్యక్తిత్వం గురించి మరింత అర్థమైందని శ్రీనిధి చెప్పారు. సీనియర్ దర్శకుడైనప్పటికీ, సినిమా కోసం అందరితోనూ ఆలోచనలు పంచుకుంటారని, నటీనటులు సౌకర్యంగా పనిచేసేలా సానుకూల వాతావరణాన్ని కల్పిస్తారని ప్రశంసించారు.
వెంకటేశ్‌తో నటించడం ఎలా అనిపించింది?
వెంకటేశ్ అద్భుతమైన నటుడని, ఆయన కామెడీ టైమింగ్ చాలా బాగుంటుందని శ్రీనిధి ప్రశంసించారు. భావోద్వేగ సన్నివేశాల్లోనూ ఆయన నటన ప్రత్యేకంగా ఉంటుందని చెప్పారు. ఆయనతో పోటీపడటం అంత సులభం కాదని, అయినప్పటికీ తన వంతుగా నిజాయతీగా ప్రయత్నించానన్నారు.
