అయితే వినియోగదారులకు నూనెల ధరలు ఎంత మేర తగ్గుతాయన్నది కేవలం కస్టమ్స్ డ్యూటీపై మాత్రమే ఆధారపడదని దేశాయ్ చెప్పారు. అంతర్జాతీయ కమోడిటీ ధరలు, రవాణా ఖర్చులు, రూపాయి మారకం విలువలో మార్పులు, దేశీయంగా నూనెల లభ్యత, వ్యాపారుల దగ్గర ఉన్న నిల్వలు వంటి అంశాలు కూడా ధరలపై ప్రభావం చూపుతాయని వివరించారు. ఇదిలా ఉంటే, పరిశ్రమ సంస్థ సీ (SEA) అంచనా ప్రకారం, అక్టోబర్‌తో ముగిసే ప్రస్తుత మార్కెటింగ్ సంవత్సరంలో భారత్ వంట నూనెల దిగుమతుల కోసం చేసే ఖర్చు 9 శాతం పెరిగి రూ.1.75 లక్షల కోట్లకు చేరొచ్చు. దిగుమతి పరిమాణం పెరగడం, రూపాయి విలువ తగ్గడం ఇందుకు కారణాలుగా ఉన్నాయి. (ప్రతీకాత్మక చిత్రం)
