Last Updated:
జొమాటోలో ఫుడ్ ఆర్డర్ చేసే వారికి కీలక అప్డేట్. క్యాష్ ఆన్ డెలివరీ ఎంచుకునే సమయంలో ‘Pay on Delivery Fee’ పేరుతో అదనపు ఛార్జ్ కనిపిస్తోంది. ఈ ఫీజు ఎంత అనేది కస్టమర్, ఆర్డర్ను బట్టి మారుతున్నట్లు తెలుస్తోంది. అసలు ఈ కొత్త ఛార్జ్ ఎందుకు విధిస్తున్నారు? తెలుసుకుందాం.
ఆన్లైన్ ద్వారా ఆహారాన్ని ఆర్డర్ చేసుకోవడం నేటి రోజుల్లో మన జీవితంలో ఒక భాగమైపోయింది. ఇంట్లో వండుకునే ఓపిక లేకపోయినా, బయటి రుచులు తినాలనిపించినా వెంటనే మనకు గుర్తొచ్చే పేరు ‘జొమాటో’ (Zomato). అయితే, దేశంలోనే అతిపెద్ద ఫుడ్ డెలివరీ ప్లాట్ఫారమ్లలో ఒకటైన జొమాటో, తమ కస్టమర్లకు ఒక చేదు వార్తను అందించింది. ఇకపై యాప్ ద్వారా ఆహారాన్ని ఆర్డర్ చేసి, డబ్బులు డెలివరీ సమయంలో చేతికి ఇద్దామని (క్యాష్ ఆన్ డెలివరీ – COD) అనుకునే వారిపై ఒక ప్రత్యేకమైన రుసుమును (Fee) వసూలు చేయాలని కంపెనీ నిర్ణయించింది.
