డీఏఎం క్యాపిటల్ ఆన్ సోలార్ ఇండస్ట్రీస్: డీఏఎం క్యాపిటల్ సోలార్ ఇండస్ట్రీస్పై ‘బయ్’ కాల్ ఇచ్చింది. ఒక్కో షేరుకు టార్గెట్ ధరను రూ.22,000గా నిర్ణయించింది. సౌత్ ఆఫ్రికాకు చెందిన ఓమ్నియా హోల్డింగ్స్లో 100 శాతం వాటాను సోలార్ ఇండస్ట్రీస్ రూ.12,951 కోట్లకు కొనుగోలు చేయనుంది. ఈ డీల్ విలువ ఈవీ/ఈబీఐటీడీఏకు దాదాపు 7.9 రెట్లు ఉంటుంది. ఈ కొనుగోలుకు అవసరమైన నిధుల్లో ఎక్కువ భాగాన్ని కంపెనీ అంతర్గతంగా వచ్చే నగదు, అప్పుల ద్వారా సమకూర్చుకునే అవకాశం ఉంది. ఈ లావాదేవీ 2027 మధ్య నాటికి పూర్తయ్యే అవకాశం ఉంది. దీంతో గ్లోబల్ కమర్షియల్ ఎక్స్ప్లోసివ్స్, మైనింగ్ మార్కెట్లలో సోలార్ ఇండస్ట్రీస్ స్థానం మరింత బలపడుతుందని అంచనా. ఆఫ్రికాలో ఇప్పటికే ఉన్న సోలార్ ఇండస్ట్రీస్ కార్యకలాపాలతో ఈ డీల్ వల్ల ఖర్చులు తగ్గడం, కార్యకలాపాల్లో సమన్వయం పెరగడం వంటి ప్రయోజనాలు గణనీయంగా రావచ్చని అంచనా. 2028 ఆర్థిక సంవత్సరానికి కంపెనీ మేనేజ్మెంట్ ఇచ్చిన మార్గదర్శకాల్లో ఆదాయం రూ.31,500-32,000 కోట్లు, ఈబీఐటీడీఏ రూ.6,800-7,000 కోట్లు, ఈబీఐటీ రూ.6,200 కోట్లు, పన్ను ముందు లాభం రూ.5,000 కోట్లకు పైగా ఉండొచ్చని పేర్కొంది. ఓమ్నియా కొనుగోలు కంపెనీకి పెద్ద మార్పు తీసుకురాగల డీల్గా భావిస్తున్నప్పటికీ, అగ్రి, కెమికల్స్ వ్యాపారం కంపెనీ ఆదాయాలపై ప్రభావం చూపే కీలక అంశంగానే కొనసాగుతుందని డీఏఎం క్యాపిటల్ తెలిపింది. మొత్తం లాభాలపై ప్రభావం ఉన్నప్పటికీ అగ్రి, కెమికల్స్ వ్యాపారానికి కంపెనీ వ్యూహంలో ఇప్పటికీ ముఖ్యమైన స్థానం ఉందని పేర్కొంది. (ప్రతీకాత్మక చిత్రం)
