సురక్షితంగా బస్సులు నడిపే డ్రైవర్లను ప్రోత్సహించేందుకు ఫ్రెష్ బస్ కీలక నిర్ణయం తీసుకుంది. తమ సంస్థలో పనిచేస్తూ ప్రమాదాలు జరగకుండా, బాధ్యతగా బస్సులు నడిపే కెప్టెన్లకు ఏకంగా రూ.5 కోట్లకు పైగా రివార్డులు అందించేందుకు కొత్త అవార్డు కార్యక్రమాన్ని ప్రారంభించింది. ఈ పథకం ద్వారా అర్హత సాధించిన ఒక్కో కెప్టెన్‌కు గరిష్ఠంగా రూ.లక్ష వరకు నగదు బహుమతి అందనుంది. ముఖ్యంగా, అవార్డులు అందుకునే వారి సంఖ్యపై ఎలాంటి పరిమితి లేదు. భారత్‌లో ఇంటర్‌సిటీ ఎలక్ట్రిక్ బస్సులు నడుపుతున్న ఫ్రెష్ బస్ సంస్థ ఈ కొత్త కార్యక్రమానికి ‘బెస్ట్ కెప్టెన్ అవార్డు’ అని పేరు పెట్టింది. ప్రయాణికుల భద్రతను మరింత పెంచడం, బస్సుల నిర్వహణలో బాధ్యతగా వ్యవహరించడం, ఎప్పుడూ మంచి డ్రైవింగ్ ప్రమాణాలు పాటించే కెప్టెన్లను గుర్తించి ప్రోత్సహించడం ఈ కార్యక్రమం ముఖ్య ఉద్దేశం. సురక్షితమైన డ్రైవింగ్‌కు తగిన గుర్తింపు, ప్రోత్సాహం అందించాలనే లక్ష్యంతో ఈ అవార్డులను తీసుకొచ్చింది. (ప్రతీకాత్మక చిత్రం)
