కొత్త ఎండీఆర్ అన్ని యూపీఐ చెల్లింపులకూ వర్తించదు. పర్సన్-టు-పర్సన్ (పీ2పీ) డబ్బు బదిలీలు, రూ.2,000 లేదా అంతలోపు విలువైన మర్చంట్ లావాదేవీలు ఉచితంగానే కొనసాగుతాయి. నెలకు గరిష్ఠంగా రూ.1 లక్ష వరకు డబ్బు స్వీకరించే చిన్న వ్యాపారులకు కూడా ఎండీఆర్ నుంచి మినహాయింపు ఉంటుంది. కొన్ని రంగాలకు ప్రత్యేక ఛార్జీలు ఉంటాయి. యుటిలిటీస్, ఇంధనం, రైల్వే, ఇన్సూరెన్స్ లావాదేవీలపై 0.4 శాతం ఎండీఆర్ బదులుగా ఒక్కో లావాదేవీకి ఫ్లాట్‌గా రూ.5 ఛార్జీ ఉంటుంది. క్యాపిటల్ మార్కెట్‌కు సంబంధించిన లావాదేవీల్లో స్టాక్స్, మ్యూచువల్ ఫండ్స్ పెట్టుబడులు కూడా ఉంటాయి. వీటిపై 0.02 శాతం రేటు వర్తిస్తుంది. అయితే ఈ ఛార్జీ గరిష్ఠంగా రూ.300కే పరిమితం అవుతుంది. (ప్రతీకాత్మక చిత్రం)
