Tragedy News: కొత్త ఫోన్ అడిగిందని మందలించిన తల్లిదండ్రులు.. ఆ తర్వాత గదిలో జరిగిన దారుణం చూస్తే వణికిపోతారు! | ఆంధ్రప్రదేశ్ వార్తలు

అచ్చం ఇలాంటి ఘటనే 2024లోనూ చోటుచేసుకుని ఒక నిండు ప్రాణాన్ని బలితీసుకుంది. మంచిర్యాల జిల్లా జైపూర్‌ మండలంలోని వేలాల గ్రామానికి చెందిన ప్యాగ స్వామి, సమ్మక్క దంపతులకు సాయి సుమ (18) అనే కూతురు ఉంది. ఆమె మంచిర్యాలలో డిగ్రీ మొదటి సంవత్సరం చదువుతోంది. అనుకోకుండా సుమ చేతిలోంచి కింద పడిపోయి ఆమె మొబైల్ పగిలిపోయింది. వస్తువు పాడైందన్న కోపంతో తల్లిదండ్రులు ఆమెను గట్టిగా మందలించారు. ఆ తర్వాత తనకు కచ్చితంగా కొత్త ఫోన్‌ కొనివ్వాలంటూ సుమ తల్లిదండ్రులను పదేపదే అడిగింది. వెంటనే అంత డబ్బు పెట్టి కొత్త ఫోన్ కొనివ్వడానికి ఆ తల్లిదండ్రులు నిరాకరించారు. దీంతో తీవ్ర మనస్తాపం చెందిన ఆ యువతి ఏకంగా ప్రాణాలు తీసుకోవాలని నిశ్చయించుకుంది. తల్లిదండ్రులు వ్యవసాయ పనుల కోసం పొలానికి వెళ్లారు. ఇంట్లో ఎవరూ లేని సమయం చూసి ఫ్యాన్‌కు ఉరి వేసుకుంది.

న్యూస్‌18 ప్రతినిధి మస్తాన్ వలీతో ప్యారెంటింగ్ కోచ్, ఫ్రీల్యాన్సర్ సైకిలాజిస్ట్ శైలజ మాట్లాడుతూ పిల్లలు, యువత మనస్తత్వం ఎలా ఉంటుంది? తల్లిదండ్రులు ఎలా ప్రవర్తించాలి? అనే అంశాలను వెల్లడించారు. ‘‘ఫోన్ చూస్తున్నారని గమనించినప్పుడు.. పిల్లలకు అది ఎలా అలవాటు అయ్యింది? గమనించాలి. చాలా మంది తల్లిదండ్రులు ఏదైనా పనిలో ఉన్నప్పుడు పిల్లలు డిస్ట్రబ్ చేయకూడదనే ఉద్దేశంతో ఫోన్ ఇస్తూ ఉంటారు. అలా చేయొద్దు. పిల్లలు ఒక రోజు గంట ఫోన్ చూశారని అనుకుంటే.. రెండో రోజు 50 నిమిషాలకు తగ్గించాలి. ఇక్కడ తగ్గించేది 10 నిమిషాలు అయినా.. పిల్లలకు క్రమంగా ఫోన్ వాడకాన్ని తగ్గిస్తూ రావాలి. ఇలా రోజు రోజుకు ఫోన్ వాడకాన్ని తగ్గిస్తూ రావాలి. కేకలు వేయొద్దు. ఒకేసారి ఫోన్ లాక్కోవద్దు. ఓపికతో గమనిస్తూ.. క్రమక్రమంగా వాడకాన్ని తగ్గిస్తూ ఉండాలి. అలాగే ఫోన్‌లో ఏవేవి చూస్తున్నారో గమనించాలి. ఫోన్ లాక్కొని ఒకేసారి గట్టిగా అరిస్తే.. అది వారిపై చెడు ప్రభావం చూపుతుంది. బ్రెయిన్‌లో రిలీజ్ అయిన హార్మోన్లతో ఉక్కిరిబిక్కిరి అవుతారు. తల్లిదండ్రులు కూడా పిల్లల ముందు చనిపోతే బాగుంటుందనే పదాలు ఎట్టిపరిస్థితుల్లో వాడొద్దు. ఇంకా కొంత మంది పిల్లలు కేవలం బెదిరించాలని అనుకుంటారు. కానీ అది తెలియకుండానే కొన్ని సార్లు సీరియర్ కావొచ్చు. ప్రమాదానికి కారణం కావొచ్చు. అందుకే పిల్లలకు మంచి, చెడు చిన్నతనం నుంచే అలవాటు చేయాలి’’ అని వివరించారు.