క్రిసిల్ నివేదిక ప్రకారం, చక్కెర ఉత్పత్తిలో వరుసగా తగ్గుదల, సాగు విస్తీర్ణం తగ్గడం, తక్కువ దిగుబడులు, ఇథనాల్ తయారీకి చక్కెర మళ్లింపు వంటి అంశాలు కలిపి మార్కెట్లో నిల్వలను తగ్గించాయి. ఇదే సమయంలో చక్కెరకు డిమాండ్ మాత్రం స్థిరంగా పెరుగుతూ వచ్చింది. గత కొన్నేళ్లలో ఇథనాల్ కోసం మళ్లించే చక్కెర పరిమాణం కూడా పెరిగింది. 2020 సీజన్లో సుమారు 0.8 మిలియన్ టన్నులుగా ఉన్న ఈ పరిమాణం 2026 సీజన్లో 3 మిలియన్ టన్నులకు పైగా చేరింది. మరోవైపు చెరకు రైతులకు చెల్లించే FRP, SAP వంటి ధరలు పెరగడం కూడా చక్కెర ఉత్పత్తి వ్యయాన్ని పెంచింది. తక్కువ ఉత్పత్తి, తగ్గిన నిల్వలు, పెరిగిన ఉత్పత్తి వ్యయాలు, ఇథనాల్కు మళ్లింపు, పండుగల సమయంలో పెరిగిన డిమాండ్ వంటి అనేక అంశాలు కలిసి ప్రస్తుత చక్కెర ధరల పెరుగుదలకు దోహదపడినట్లు క్రిసిల్ పేర్కొంది. దీంతో మార్కెట్లో సరఫరా-డిమాండ్ మధ్య సమతుల్యత దెబ్బతిని, వినియోగదారులు అధిక ధరలు చెల్లించాల్సిన పరిస్థితి ఏర్పడింది.
