M4M-2: చిన్న సినిమా, పెద్ద ప్లాన్.. మైండ్ బ్లాకింగ్ ట్విస్టులతో M4M-2 | తెలుగు సినిమా వార్తలు

ఈ సందర్భంగా మాట్లాడిన దర్శక-నిర్మాత మోహన్ వడ్లపట్ల, M4M విజయానికి ప్రేక్షకుల అపారమైన ఆదరణే ప్రధాన కారణమని అన్నారు. నటీనటులు, సాంకేతిక నిపుణులు, డిస్ట్రిబ్యూటర్లు, ఎగ్జిబిటర్లు, మీడియా అందించిన సహకారం లేకుండా ఈ విజయాన్ని సాధించడం సాధ్యమయ్యేది కాదని పేర్కొన్నారు. ప్రేక్షకుల ప్రేమాభిమానాలే తమకు మరింత బాధ్యతను పెంచాయని, అదే ఉత్సాహంతో M4M-2ను మరింత ఉన్నత ప్రమాణాలతో రూపొందిస్తున్నామని తెలిపారు.

అనంతరం మోహన్ వడ్లపట్ల, జో శర్మ కలిసి సీక్వెల్‌కు సంబంధించిన ఆసక్తికరమైన విశేషాలను వెల్లడించారు. తొలి భాగాన్ని మించిన ఉత్కంఠ, మరిన్ని ఊహించని మలుపులు, అత్యాధునిక సాంకేతికతతో రూపొందే భారీ సైకాలజికల్ థ్రిల్లర్‌గా M4M-2 ప్రేక్షకుల ముందుకు రానుందని తెలిపారు. మొదటి భాగంలో తన నటనతో ప్రశంసలు అందుకున్న ఈచిత్ర హీరోయిన్ Jo Sharma మాట్లాడుతూ, ప్రేక్షకులు చూపించిన ఆదరణకు హృదయపూర్వక కృతజ్ఞతలు తెలిపారు. సీక్వెల్‌లో మరింత శక్తివంతమైన పాత్రలో కనిపించనున్నానని, ప్రేక్షకులకు మరోసారి థ్రిల్లింగ్ సినీ అనుభూతిని అందించేందుకు ఎంతో ఆసక్తిగా ఎదురుచూస్తున్నానని చెప్పారు.

‘M4M-2’ అధికారిక ప్రకటనతో M4M ఫ్రాంచైజీకి కొత్త అధ్యాయం ప్రారంభమైనట్లైంది. ఈ ప్రకటనతో అభిమానుల్లో భారీ అంచనాలు నెలకొన్నాయి. తొలి భాగం విజయాన్ని మించి సీక్వెల్ ప్రేక్షకులను ఆకట్టుకుంటుందనే నమ్మకాన్ని చిత్ర బృందం వ్యక్తం చేసింది. ఇతర నటీనటులు, సాంకేతిక నిపుణుల వివరాలను త్వరలో అధికారికంగా ప్రకటించనున్నట్లు చిత్ర బృందం తెలిపింది.