2027లో ఉద్యోగం మారాలని చూస్తున్నారా? సగానికి పైగా ఉద్యోగులు 31 శాతానికి పైగా జీతం పెరిగితేనే కొత్త ఉద్యోగంలో చేరేందుకు సిద్ధంగా ఉన్నారు. భారత్‌లో ఉద్యోగుల కెరీర్ ఆలోచనలు, జీతంపై అంచనాలు, ఏఐ నైపుణ్యాలపై ఆసక్తి ఎలా ఉందో తాజాగా విడుదలైన ఓ సర్వే వెల్లడించింది. ఉద్యోగ మార్కెట్‌లో అనిశ్చిత పరిస్థితులు కొనసాగుతున్నప్పటికీ, భారత్‌లో 68.4 శాతం మంది ఉద్యోగులు 2027లో కొత్త ఉద్యోగాల కోసం చురుగ్గా ప్రయత్నించాలని ప్లాన్ చేస్తున్నారు. గురువారం విడుదలైన ఈ సర్వే ప్రకారం, ఉద్యోగులు తమ కెరీర్‌లో ఎదగాలని బలంగా కోరుకుంటున్నారు. ఫౌండ్‌ఇట్ (foundit) విడుదల చేసిన ‘కెరీర్ రీసెట్ సర్వే 2027’ ప్రకారం, అవసరమైతే మంచి ఉద్యోగం సంపాదించగలమనే నమ్మకం 94.1 శాతం మంది ఉద్యోగుల్లో ఉంది. (ప్రతీకాత్మక చిత్రం)
