Iran-US War: ట్రంప్ ఆ పని చేస్తే విధ్వంసమే.. అమెరికాకు వార్నింగ్ ఇచ్చిన ఇరాన్ |

ఐక్యరాజ్యసమితి సర్వసభ్య సమావేశం (UNGA) వేదికగా దౌత్యపరమైన సంప్రదింపులు జరుగుతున్న వేళ, ఇరాన్ విదేశాంగ మంత్రి అబ్బాస్ అరాఘ్చీ ఒక కీలక ప్రతిపాదనను తెరపైకి తెచ్చారు. వాషింగ్టన్ కొన్ని షరతులకు అంగీకరిస్తే.. ఏడు రోజుల్లోగా హార్ముజ్ జలసంధిని తిరిగి తెరిచేందుకు, అలాగే అణు చర్చలను పునఃప్రారంభించేందుకు సిద్ధంగా ఉన్నామని ప్రకటించారు.

అయితే, ఇరాన్ చేసిన ఈ దౌత్య ప్రయత్నాలకు భారీ ఎదురుదెబ్బ తగిలింది. ఇరాన్ ప్రతిపాదించిన ఏడు రోజుల కాల్పుల విరమణ ప్రణాళికను అమెరికా అధ్యక్షుడు డొనాల్డ్ ట్రంప్ తిరస్కరించినట్లు ‘ది వాల్ స్ట్రీట్ జర్నల్’ పత్రిక ఓ కథనంలో పేర్కొంది. అమెరికా ఉన్నతాధికారుల సమాచారం ప్రకారం.. నవంబర్‌లో జరిగే మధ్యంతర ఎన్నికల అనంతరం ఇరాన్‌పై తిరిగి వైమానిక బాంబు దాడులు ప్రారంభమయ్యే అవకాశముందని ట్రంప్ తన సన్నిహితులతో చెప్పినట్లు పత్రిక వెల్లడించింది. బహిరంగంగా ఇరాన్ రాజీకి సిద్ధపడుతోందని ట్రంప్ చెబుతున్నప్పటికీ, అణు కార్యక్రమానికి సంబంధించి అమెరికా విధించే షరతులను టెహ్రాన్ పాటిస్తుందన్న నమ్మకం తనకు లేదని ఆయన భావిస్తున్నారు.