టాప్-ఎండ్ 2టీబీ ఐఫోన్ డ్యుయో ధర రూ.4,49,900. ఈ మొత్తంతో ఖరీదైన స్మార్ట్ఫోన్ కొనొచ్చు. అదే డబ్బును ఒకేసారి పెట్టుబడిగా పెడితే, దీర్ఘకాలంలో పెద్ద మొత్తంగా మారే అవకాశం ఉంది. మరి రూ.4,49,900ను పెట్టుబడి పెడితే అది ఎంత అవుతుంది? ఈ లెక్క కోసం ఏడాదికి 12 శాతం రాబడి వస్తుందని ఊహించి, 10, 15, 20, 25, 30 ఏళ్ల తర్వాత పెట్టుబడి విలువ ఎంత వస్తుంది అనే ప్రశ్న ఆసక్తికరంగా ఉంటుంది. లంప్సమ్ ఇన్వెస్ట్మెంట్ అంటే డబ్బును చిన్న చిన్న మొత్తాలుగా విడతల వారీగా పెట్టకుండా, ఒకేసారి పెద్ద మొత్తాన్ని పెట్టుబడి పెట్టడం. ఎస్ఐపీ ద్వారా క్రమం తప్పకుండా పెట్టుబడి పెట్టడానికి ఇది భిన్నంగా ఉంటుంది. లంప్సమ్ పెట్టుబడి భవిష్యత్తు విలువ ప్రధానంగా మొదట పెట్టిన మొత్తం, ఏడాదికి వచ్చే అంచనా రాబడి, పెట్టుబడి కొనసాగించే కాలంపై ఆధారపడి ఉంటుంది. ఇక్కడ ప్రారంభ పెట్టుబడిగా రూ.4,49,000 తీసుకుని, ఏడాదికి 12 శాతం రాబడి వస్తుందని లెక్కించారు. పెట్టుబడి ఎక్కువ కాలం కొనసాగితే కాంపౌండింగ్ ప్రభావంతో డబ్బు గణనీయంగా పెరిగే అవకాశం ఉంటుంది. (ప్రతీకాత్మక చిత్రం)
